Maja og liðið hennar

Danmerkurferð

2010-07-24T14:19:00.003+02:00

Við skelltum okkur til Danmerkur aðfararnótt mánudagsins síðasta og hér koma nokkrar myndir úr ferðinni, en af einhverjum ástæðum koma myndirnar ekki inn í þeirri röð sem ég hlóð þeim inn svo fyrsta myndin er tekin úr bátnum á leiðinni heim

Ég, Ása og strákarnir skelltum okkur á stöndina

Ásgeir og Finn voru að fara á pöbbarölt, en ég og strákarnir fórum í Føtex að versla aðeins. Ég verð að segja að ég er mjög stolt af sjálfri mér, ég keypti bara 1 skópar í ferðinni:)))

Hér erum við að borða svínasneiðar, íslenskar lambakótilettur, maískólfa, hamborgara og rauðvínssósu ala Ásgeir:) En það var borðað mikið af góðum mat og drukkið alveg fullt af góðum vínum í ferðinni. En ég fann það út að eitthvað hefur gerst hérna heima í fataskápnum mínum því allt í einu eru nokkur pils orðin of þröng á mig. Alveg merkilegur andskoti

Ásgeir og stákarnir í Tívolíinu í Århus, þarf ekki að taka það fram að frúin þorði ekki með þeim. Ég fór með Aroni í einhvern bát sem sveiflast fram og aftur og þegar hann stoppaði stóð ég upp skjálfandi og næstum því farin að gráta ég var svo hrædd.

Ása og Ásgeir að elda eitthvað gott fyrir okkur

Aron var svoldið þreyttur þegar við komum til Ásu, enda sváfum við ekkert um nóttina

og ekki voru þessir hressari:) En það var alveg rosalega gamana hjá okkur, hitinn í sólinni fór upp í 47.5 gráður og í skugganum voru um 28 gráður, þannig að við náðum okkur í smá lit. Svo var að sjálfsögðu keypt kaffi (Merrlid) fyrir mig, remúlaði og eitthvað svoleiðis fyrir Ásgeir og bara slappað af:)

koss og knús frá Maju og liðinu hennar

sumar og engin sól

2010-07-07T15:51:00.002+02:00

Ingólfurinn minn sofnaði einn morguninn á trampólíninu og brann aðeins, hann man það kannski bara næst að það borgar sig ekki að fara að sofa ósmurður:)

þetta keypti Aron sér fyrir afmælispeningana sína

tómatarnir byrjaðir að koma, hlakka mikið til þegar ég get bara farið út á pall og náð mér í heimaræktaða tómata, salat, baunir og gulrætur í matinn

hér er aðeins meira LEGO sem hann Aron á

og hér er ein mynd bara fyrir hann Villa "minn" af fallegu, fallegu Cassöndru:) Hún var í pössun hjá okkur í 5 daga og við höfðum það ekkert smá gaman saman:)))

Annars er bara fínt að vera í sumarfríi, nema að það er búið að vera ískalt í dag, eiginlega svo kalt að mig langaði til að kveikja upp í kamínunni, en ég gerði það ekki enda ferlega hallærislegt að kynda upp um mitt sumar.

Svo er bara að segja áfram Spánn:) Vona að kolkrabbinn hafi rétt fyrir sér um úrslit leiksins í kvöld. Kossar og knús frá okkur öllum í kuldanum í Vennelsa

sumarfrí:)))

2010-06-22T15:57:00.002+02:00

gróðurhúsið okkar fullt af allskonar grænmeti, sem við getum vonandi borðað seinna í haust:)

Ingólfurinn minn var að taka til í herberginu sínu og þetta voru allar kókflöskurnar sem voru þar (þakka bara fyrir að þetta voru ekki bjórflöskur:))

Aron að vaða á Hamresanden með fuglunum, en sjórinn var ískaldur en hann lét það nú ekki á sig fá

hér er bara látið vaða, honum fannst viðeigandi að vera í Lúlú júnætet bolnum sínum:)

En ég er sem sagt komin í sumarfrí og ég byrja ekki að vinna aftur fyrr en 2 ágúst, Ingólfurinn minn er líka byrjaður í sínu sumarfríi og Aroninn minn byrjar á morgun. En það er eitthvað óvíst með fríið hjá honum Ásgeiri mínum, en ég á nú von á því að hann taki sér einhverja daga til að vera saman með okkur og henni Cassöndru:) Við ætlum að sækja hana á þriðjudaginn og vera með hana í nokkra daga á meðan mamma hennar er að vinna/skemmta sér á Hove festivalen. En þar sem ég er svoooo mikil húsmóðir:) þá ákvað ég að gera rabbarbarasultu, en ég segi bara takk og pris fyrir hana Helgu Sig þannig að ég á von á því að á morgun verði hægt að fá sér ristaðbrauð með osti og heimatilbúnni rabbarbarasultu:)))

Koss og knús frá frúnni sem á eftir að hafa það náðugt næstu 40 dagana:)))))))

óvissuferð

2010-06-13T12:07:00.002+02:00

Ég fór á föstudaginn í óvissuferð með vinnunni minni og var ferðinni heiti til Lindesnes fyr, sem er syðsti punkturinn í Norge, alveg frábær staður. Það var ekkert smá mikill vindur, eiginlega lítill stormur.

Skýin voru á fullri ferð

maturinn var algjört æði, sjávarréttarhlaðborð

umm ekkert smá gott

og fallega lagt á borðið af mínum frábæru vinnufélögum sem sáu um ferðina

þetta er gamli vitinn sem var kynntur með kolum

ég er búin að búa hérna í Norge í 8 ár og þetta er fyrsti staðurinn sem ég kem á þar sem það eru engin, segi það og skrifa ENGIN tré, merkilegt alveg

hér eru nokkrar að leita að bláskel til að veiða krabba með, minn hópur bjó til brauðdeig úr sjó og þanghveiti og rúgmjöli og einhverju fleira og þetta var ekkert smá gott brauð

rosalega fallegt þarna. Við skemmtum okkur ekkert smá vel, sumir sváfu úti, sumir í vitanum og svo aðrir í vitavarðarhúsinu þar sem að einhver draugur býr víst líka, en ég varð ekkert vör við hann, sem betur fer:) Svo voru einhverjir sem fóru í sjósund um miðja nótt og ég get lofað ykkur því að það var kalt:) Svo borðuðum við morgunmat úti og það var ískalt, en brauðið var gott og svo fengum við rabbarbarasultu!!!! sem var heimatilbúin (einhverjir í hópnum þurftu að týna rabbarbara) og svo fengum við líka rabbarbaramuffins. Svo var haldið heim og ég var komin heim um hálftólf. En þetta var alveg frábær ferð.

Kossar og knús frá Maju og co

sól og blíða:)

2010-06-05T16:05:00.002+02:00

hér er búið að planta og taka aðeins til

verður spennandi að sjá hversu lengi ég held lífi í blómunum

og bara svona til að minna fólk á að nota sólkrem og mikið af því:) Ég brann svona rosalega í gær í vinnunni, en ég bar á mig sólkrem áður en ég fór í vinnuna en svo gleymdi ég að bera á mig á meðan ég var þar. En í dag er ég sko búin að nota mikið krem, því ég og hann Aron minn erum búin að vera úti og taka til á pallinum og svo sáðum við káli og gulrótum og einhverjum blómafræjum. Ég þarf bara að vinna í 13 daga og svo er það sumarfríííí:))))))

koss og knús frá Maju og liðinu hennar

lífið er frábært

2010-05-27T09:20:00.004+02:00

Jebb frúin komin í helgarfrí, en að vísu verð ég að fara á fund í kvöld en ég lifi það af (vonandi) Aron er að fara í skólaferðalag í dag og verður eina nótt, ferlega spenntur kallinn og ég vona bara að hann skemmti sér vel.

Er orðin svoldið spennt fyrir keppninni á laugardaginn, en ég vona samt að Ísland vinni ekki. Ástæðan fyrir því er að ég var að horfa á fréttirnar og þar var talað við yfirmann Evrópskra ríkisrekinna sjónvarpsstöðva og hann sagði að reglurnar segja að það land sem vinnur verður að halda keppnina næsta ár, alveg sama þó svo að efnahagur landsins sé hruninn, þetta á sko líka við um Grikkland og einhver fleiri lönd. Þannig að ég held að ég láti mér nægja að kjósa Heru bara einu sinni.

Jæja er að hugsa um að klára teppið sem ég er að hekla (já ég gafst upp á að prjóna prinsateppið svokallaða eftir 4 misheppnaðar tilraunir) þannig að ég sendi ykkur bara kossa og knús úr sólinni hér í Vennesla

Ó já ég gleymdi víst að segja ykkur að það eru komnir 12 pínkulitlir ungar í fuglahúsið, ekkert smá gaman að sjá þá

Vaknað snemma

2010-05-22T08:35:00.003+02:00

Sé að ég þarf að fara að klippa niður gróðurinn í garðinum hjá mér

Úsýnið af pallinum hjá mér

Og morillu tréð mitt í fullum skrúða, hlakka til að borða morillurnar:)

En ég var sem sagt komin á fætur kl 7 í morgun, ekkert smá næs að vera alein með kaffibollan minn á svona fallegum morgni. En ég á nú von á því að hann Aron minn fari að fara á fætur, en hann fékk að vera úti til kl 12 í gærkveldi (hann var sko hjá nágrannanum) ekkert smá gaman, en hann er svo myrkfælinn að hann þorði ekki heim aleinn þannig að ég varð að sækja hann:) Og Ingólfurinn minn var í Filla (sem er félagsmiðstöð fyrir unglinga) og ég veit ekki hvenær hann kom heim.

Langar að segja ykkur frá því að í leikskólanum erum við búin að vera með fuglaverkefni í allan vetur, kenna krökkunum muninn á farfuglum og staðarfuglum, hvaða hljóð hver fugl gerir, hvað þeir borða og svoleiðis. Og fyrir 3 vikum keyptum við fuglahús með myndavél inní, við vorum eiginlega alveg viss um að við værum of sein að setja það upp, en viti menn það flutti inn blåmeis kærustupar og þau eru komin með 12 egg:) Þannig að við eigum von á því að ungarnir byrji að koma núna um helgina, ekkert smá spennandi að fá að fylgjast svona með og krökkunum finnst þetta algjört æði.

Annars er bara sól og blíða hér í Vennesla, en ekki hvað , þannig að frúin er bara að hugsa um að liggja í sólbaði:) En ég verð líka að gróðursetja einhver blóm og svoleiðis, fæ hann Aron til að hjálpa mér.

Inga systir á afmæli í dag, gellan bara orðin 35 ára, innilega til hamingju með daginn elsku Inga mín:) Svo á hún Halldóra frænka líka afmæli svo hún fær afmæliskveðju líka frá okkur:)

Koss og knús frá Maju pæju og liðinu hennar

hér er mikil gleði

2010-05-20T15:30:00.002+02:00

frúin er búin að fá vinnu næsta ár, í leikskólanum og á deildinni sem ég vildi vinna á og með tveimur frábærum konum sem ég vildi vinna með:)) Þannig að ég er bara búin að haga mér eins og fegurðardrottning í dag, þið vitið þessi sem brosir í gegnum tárin.

Annars er bara brjáluð sól og 25 stiga hiti í skugganum, ég held bara að sumarið sé komið, í það minnsta í dag og í gær. Ég verð í sumafríi í 5 vikur í sumar, byrja fríið mitt þann 28 júní og byrja aftur að vinna þann 2 ágúst, hlakka ekkert smá mikið til:))) Vona bara að það verði gott veður svona akkurat á meðan frúin er í fríi.

Kossar og knús frá okkur hér í sólinni í Vennesla

17 maí:-)

2010-05-18T12:26:00.002+02:00

Aron bar skólafánann í skrúðgöngunni og hann var alveg þokkalega ánægður með það

Falleg og prúðbúin börn

Lúðrasveit og læti

Ég get ekki munað hvað þetta er kallað á íslensku en á norsku eru þetta drillejentene, rosalega flínkar stelpur

Og russene ráku lestina, með vatnsbyssur, flautur og russekort.

En dagurinn var bara yndislegur, þó svo að veðrið hefði alveg mátt vera betra. Ég hef ekki tölu á öllum ísunum sem voru borðaðir á þessu heimilinu, svo enduðum við góðan dag á því að borða hamborgarhrygg:-) Bara gott

Í dag er frúin í fríi og fékk sér staðgóðan morgunverð, fyrst smá afgang af kvöldmatnum frá í gær og svo lifrarpylsu og ískalda mjólk ummmm ekkert smá gott. Ásgeir pantaði um daginn frá nammi.is hangikjöt, lifrarpylsu, blóðmör og Bjarnfreðarson:-)))) og pósturinn kom með þetta í morgun. Þannig að á morgun verður bíókvöld hér, myndin sett í tækið, heimabíóið í botni og popp og kók. Hlakka ekkert smá mikið til:-) Ásgeir er sko að vinna í kvöld þess vegna verðum við að bíða þangað til á morgun.

Koss og knús frá þessari útbitnu í Vennesla (jebb myggen er byrjaður að gæða sér á mér, því miður)

Partý:))))

2010-05-14T08:39:00.002+02:00

Héðan er bara allt gott að frétta, Ásgeir að vinna en ég og strákarnir erum í löngu helgarfríi:) Þeir fara í skólann á þriðjudaginn og ég fer í vinnu á miðvikudaginn, bara sæla hér í Norge.

Annars er ég bara búin að vera að hekla eins og enginn sé morgundagurinn, ætlaði að prjóna teppi fyrir vinkonu mína, en ég gafst upp á því eftir 4 tilraunir og ákvað bara að hekla eitt stykki teppi, gengur miklu betur með það.

En frúin er að fara í partý í dag, það byrjar sko kl 5:) svo ætlum við að skella okkur á DIGG og þegar sá staður lokar ætlum við að fara í "eftirballpartý" verður gaman að sjá hvernig heilsan verður á morgun:) Vona að hún verði góð því ég þarf að fara og kaupa 17 maí föt á Aron og einhver blóm til að planta hérna úti svo að allt verði nú fínt á mánudaginn. Aron á að vera fánaberi fyrir sinn skóla í skrúðgöngunni á mánudaginn og þá er nú eins gott að gæjinn líti vel út. Svo ætlar hann Ásgeir minn að reyna að vera í fríi til að geta farið og séð drenginn bera fánan, en Ásgeir hefur aldrei verið heima á 17 maí í öll þessi ár sem við erum búin að búa hérna (og þau eru sko orðin 8, vá hvað tíminn líður hratt)

Ætla að reyna að skella mér til Grimstad um helgina til að heimsækja litlu fjölskylduna þar, langt síðan við höfum séð þau.

Koss og knús frá partýpæjunni henni Maju:)

Það eru ekki nema 285 dagar...

2010-05-11T13:59:00.003+02:00

Aron að slá garðinn í fyrsta sinn í ár

Cassandra að hjálpa honum

Og svo þau vinirnir í göngutúr:-)

síðan ég bloggaði síðast og kannski kominn tími til:-)

Hvað hefur gerst síðan síðast? Jú, frúin er búin að fara til Íslands 2 sinnum, skella sér til Sverige, verða árinu eldri en er alltaf jafn flott:-) fá sér nýjan síma, halda upp á jól og áramót og ég veit ekki hvað og hvað.

En í dag er kominn 11 maí og ekki nema 237 dagar til jóla;-) En á morgun á að halda upp á 17 maí í leikskólanum með látum, lúðrasveit, CD slipp, pylsur, kökur og tónleikar. Bara gaman.

Í gær var ég á malingskurs og þar komst ég í samband við mitt innra!!! jebb og ég var bara að fíla það sko. En þetta var svona námskeið þar sem við hlustuðum á tónlist og svo áttum við að mála það sem við sáum fyrir okkur á meðan:-) Get nú ekki sagt að ég sé flínk með pensilinn en mikið var gaman, alltaf skemmtilegt að fá hláturskast með skemmtilegu fólki, mæli með því.

Hér er vorið komið, en það er kalt, vona að það fari nú að lagast:-)

Koss og knús frá okkur í Vennesla

Danmerkurferd

2009-07-30T14:21:00.005+02:00

Af einhverjum ástædum get ég ekki notad íslenska stafi á tölvunni, en thad gerir ekkert. En hér erum vid í Århus, Ása baud okkur upp á ís.

Vid fórum nidur á strönd og thar var reynt ad fleyta kellingar, sumir voru betri í thví en adrir

Aron ad leita eftir hentugum steinum til ad fleyta og Ingólfur horfir bara á

Thessi var tekin í gær úti á pallinum, thad var sko hellidemba og í dag eru búnar ad vera thrumur og eldingar, thannig ad sumarid hefur ekki alveg verid upp á sitt besta

Ásgeir fékk thessa flottu mynd í afmælisgjöf frá brædrum sínum, ekkert smá flott mynd, enda var hann thvílíkt ánægdur med hana

Svo thurftu drengirnir ad fara í go kart, ég lét mér nægja ad horfa á, enda finnst mér ekkert skemmtilegt ad keyra hratt:-)))

Aron edaltöffari í alltof stórum galla

Ingólfurinn minn

Hér er Aron inni í víkingagröf, thessar rústir eru um 5000 ára gamlar

Hér er einhver önnur bygging frá sama tíma

Vid skelltum okkur í Djurs sommerland, eins og fleiri thúsund adrir, thad voru bidradir út um allt, Ingólfur thurfti ad bída í klukkutíma til ad komast í rússibana, en thetta er rödin sem ég og Aron thurftum ad bída í til ad fara í hjólabáta

Afmælisbarnid í jakkafötunum sem hann keypti sér á flóamarkadi, thetta eru sko eiginlega ekki jakkaföt heldur einkennisbúningur úr Danska hernum

Maturinn í afmælinu var sko ekki af verri endanum, og svona var thad allan tímann bara etid og drukkid:-)

Ég veit ekki alveg hvad thetta er en thetta myndast bara svo vel ad ég vard ad láta thessa mynd fylgja med

Svo er ein mynd af brædrunum:-)

En thad var roslaega gaman, nema hvad vedrid var ekki alveg ad leika vid okkur, einn daginn voru alveg svakalegar thrumur og eldingar, húsid skalf og hávadinn eftir tvhí. En svona er thad bara stundum.

En ég sendi ykkur bara kossa og knús hédan frá Norge

Afmælisblogg og hænumynd

2009-07-05T11:55:00.002+02:00

Þetta er sko hæna til að hafa rauðvín eða hvítvín í, ferlega sæt

En þetta er afmælisbarnið með afmælisgjafirnar sínar á sér. Þegar maður er orðinn 12 ára þá vill maður sko bara fá peninga og mikið af þeim:-) Honum fannst bara skítt að eiga afmæli á sunnudegi þegar allar búðirnar eru lokaðar (enda eru peningar ekki eitthvað sem maður sparar)

Svona leit hann út fyrir 12 árum síðan, pínkulítill með fullt af hári:-) Bara sætastur.

Smá fréttir úr sólinni:-)

2009-07-04T14:30:00.002+02:00

Þessi litla snúlla kom í heimsókn til okkar í dag, hún er að fara til Íslands eftir 3 daga með foreldrum sínum, ég veit ekki hvort henni hlakkar til en mömmu hennar hlakkar mikið til:-)

Ingólfur frændi að gefa hennni að borða, en hún hafði bara ekki tíma til þess enda svo margt að skoða þegar maður er svona lítill.

Hún er komin með 6 tennur og er farin að skríða og svo stendur hún upp, þannig að það er ekki langt þangað til að hún fer að hlaupa út um allt, foreldrum sínum til mikillar gleði (vonandi:-))

Og svo ein mynd af henni og afa. En hér er búið að vera frábært veður í 2 vikur (eins og sést á myndinni af frúnni þá er ég orðin frekar röndótt:-) og á morgun þá verður litla barnið mitt 12 ára, að eigin sögn er hann þá orðinn unglingur. En ætli öldruð móðir hans verði þá ekki að baka pönnukökur fyrir hann.

Við erum búin að panta far til Danmerkur þann 18 júlí og ég þarf bara að vinna í 5 daga og þá er ég komin í SUMARFRÍ:-) Djö.... hvað ég hlakka til.

En röndótta mærin sendir ykkur bara kossa og knús úr sólinni og ég hlakka mikið til að hitta ættingjana í Danaveldi þann 18 júli:-))

Lífið leikur við okkur

2009-06-29T19:19:00.001+02:00

Aroninn minn er í sumarfríi og hann er alltaf að hjálpa til í leikskólanum, hann byggði þessa hytte fyrir börnin og að sjálfsögju hjálpuðu þau til.

Hann er bara snillingur þessi drengur.

Hér er smá sýnishorn af útileikskóladeildinni minni, við erum með 2 svona hytter fyrir börnin, bara svona just in keys ef það verður kalt. En við notum þær eiginlega aldrei, nema til að sanka að okkur drasli inn í þær:-))

Aroninn minn, alltaf jafn flottur þessi elska og hann verður 12 ára gamall næsta sunnudag, ég á bara ekki til orð yfir það að litla barnið sé að verða svona gamalt og ég er alltaf 25 ára:-)

En þetta vorum við að gera í vinnunni minni í dag, hanga á ströndinni og sóla okkur, á launum bæ ðe vei:-) Ég elska svona daga, enda vona ég að sólin hangi hérna hjá okkur í nokkra daga til. En ég þarf bara að vinna í 9 daga og svo er það SUMARFRÍ og ég hlakka ekkert smá til:-)

En kossar og knús frá okkur í Vennesla.

bloggfréttir

2009-06-19T17:39:00.002+02:00

Ingólfurinn minn er loksins búinn með Ungdomsskolen og þá tekur Menntaskóli við, vonandi. En þegar hann byrjaði í 8 bekk þá skrifaði hann undir samning við skólan um að hann ætlaði ekki að byrja að reykja (þetta er gert hér í Norge, en ég veit ekki hvort þetta er gert á Íslandi) og ef hann gat haldið það út í 3 ár að byrja ekki, þá var hann með í svona "ég ætla ekki að byrja að reykja lottói" og sá sem var dreginn út fékk þennan mp4 spilara í verðlaun. Ingólfurinn minn vann, ég er ekkert smá stolt af honum:-) Svo hér er mynd af verðlaunum hans.

Hér er hann að taka við einkunnunum sínum, klæddur í jakkaföt og alles, en það var svo heitt í kirkjunni að hann tók af sér jakkann.

Frúin var að hekla eitt stykki rúmteppi, og það kallar jú á mont. En ég er ferlega stolt af mér að hafa klárað þetta, en núna býð ég eftir að einhver komi í heimsókn til mín til að ganga frá spottunum (Gulla mín ertu alveg viss um að þú eigir ekki leið hér um?)

Og svo er ein mynd af honum Aroni eðaltöffara sem er loksins kominn í sumarfrí, það var síðasti skóladagur í dag og næsta ár fer kappinn í 7 bekk. Tíminn líður svo hratt, en hann er alltaf flottur þessi elska.

Ég þarf að vinna næstu 3 vikur og svo er ég komin í sumarfrí og af fenginni reynslu þá líða þessar 3 vikur alveg ótrúlega fljótt:-) Í dag er búið að rigna eldi og brennisteini, en á morgun á sólin að koma til okkar og í næstu viku á hitinn að vera í kringum 25 gráður;-)

Sendi ykkur bara kossa og knús og ég skal reyna að vera duglegri við að blogga.

nýtt blogg

2009-05-16T19:13:00.002+02:00

Alexandra og Cassandra komu í heimsókn til okkar og þær gistu hjá okkur, ég og Aron fórum með Cassandra í göngutúr, en hún bara sofnaði:-))

Flott með sólgleraugu:-))

Þessi drengur er bara fallegur

Og hún líka:-))

Ummmm gott að naga dótið mitt.

En ég var líka í Danmörk um daginn, ekkert smá næs að búa í vindmyllu:-)) Næstum eins og hún sænska gellan söng í Júró hér um árið, Tatt av vinden:-)

Bátarnir eru ekki einu sinni á sjó, heldur á landi og meira að segja laaaandt uppi á landi

Fullt af sandi og bara gaman.

Vorid er komid:-)

2009-03-21T09:24:00.002+01:00

Já hér er sko komid vor, vedrid er búid ad vera frábært alla vikuna og núna skýn sólin og fuglarnir syngja:-) Alveg yndislegur tími framundan hjá okkur. Páskarnir á næsta leiti og thad eru víst einhverjir farnir ad hlakka til ad fá páskapakkan frá bestu ömmu í heimi:-)

Ingólfurinn minn slasadi sig í skólanum á thridjudaginn, hann var ad spila fótbolta og fékk hausinn á einhverjum strák rétt í framtennurnar, thannig ad önnur framtönnin uppi losnadi. Hann fékk ekki tíma hjá tannsa fyrr en í gær og thá voru allar framtennurnar uppi límdar saman og hann fékk ströng fyrirmæli um ad bara nærast á ljótandi yfir helgina og svo fer hann aftur á mánudaginn og thá kemur í ljós hvad á ad gera. En hann verdur ad vera med tennurnar límdar saman í tvær vikur. En ég vona ad thetta fari vel.

Aron Snær var vakandi í alla nótt, hann var í Fríkirkjunni på våken natt, en núna sefur hann hérna vid hlidina á mér. Ég vaknadi ekki thegar hann kom heim, thannig ad ég veit ekki hvort thad var gaman, en ég reikna med thví, hann hringdi nefnilega í mig kl hálf sex í nótt til ad tékka á thví hvort ég væri sofandi:-) og thá var hann rosa hress.

Ásgeir er farinn í vinnu, thannig ad thad er frekar rólegt hjá mér núna. Eiginlega ætladi ég ad fara a taka til, en thá ákvad ég ad fara heldur út á pall og tékka á vedrinu, en thad var of kalt til ad sitja thar, thannig ad thá ákvad ég bara ad blogga í stadin:-) En ég hef einhvern grun um ad ég verdi ad taka til, á ekki von á thví ad draslid hverfi af sjálfu sér, thó svo ad thad væri óskandi.

Ég verd í fríi á fimmtudaginn og Aron líka og thá erum vid ad hugsa um ad skella okkur til Grimstad, ég ætladi eiginlega ad fara í dag en ég bara nenni ekki ad keyra thangad. Sé til hvort ég nenni ad fara á morgun.

En ég sendi ykkur bara kossa og knús hédan úr vorinu:-))

Fallegur sunnudagur og fallegt fólk:-))

2009-03-16T19:16:00.003+01:00

Ég og Aron keyrðum til Grimstad í gær til að heimsækja Alexöndru og Cassandra, hér er litla snúllan að fá sér að borða.

Veðrið var frábært þannig að við fórum í göngutúr og Aron fékk að sjálfsögðu að keyra vagninn, sæt mynd af þeim saman:-)

Tek það fram að það var ekki alveg svona heitt, en drengurinn er jú frá Íslandi og þar er það þannig að ef að sólin lætur sjá sig þá förum við úr úlpunni:-)

Þetta er bara fallegt barn, þetta komment var bara fyrir þig Villi "minn" En ég og Aron mældum kílómetrana á milli Vennesla og Grimstad, hvor leið er 60 km þannig að frúin keyrir 120 km bara til að sjá þessa fallegu prinsessu:-)

En annars er bara allt gott að frétta hjá okkur, ég var á foreldrafundi hjá honum Aroni í síðustu viku og það er bara allt á uppleið hjá drengnum. Ásgeir fer á foreldrafund hjá Ingólfi á morgun, vonandi er allt á sömu leið hjá honum og svo eru þeir feðgar að fara á fund þann 1 apríl til að undirbúa þá báða undir það þegar Ingólfurinn minn má fara að keyra. Kannski er það bara aprílgabb, hver veit?

En kossar og knús frá okkur hér í Norge:-)

Bara smá fréttir

2009-03-08T10:51:00.002+01:00

Eitthvad var hann mágur minnn ad kvatra undan thví ad ég bloggadi bara einhverjar sykursætar og væmnar færslur, svo nú skal reynt ad bæta úr thví.

Vid fórum í gær ad skoda nýju verslunarmidstödina í Sørlandsparken, thad var sem sagt verid ad opna thar á fimmtuaginn, thetta er alveg rosalega stór midstöd, heilir 40000 fermetrar ad stærd. En thad sem vakti mesta lukku hjá thessum vel gifta var ad Burger King er loksins komid hingad til Kristiansand:-) Vid thurftum ad sjálfsögdu ad smakka hamborgarana thar. En hvad haldid thid ad hafi gerst, einn madur sem sat vid bordid vid hlidina á okkur, gerdi sér lítid fyrir og kveikti sér í sígarettu, inni og ég fór og kvartadi og honum var bent á ad thetta væri bannad, en hann bara hló. Ég man ekki hvada ár reykingabann á veitingastödum tók gildi hér í Norge, en thad eru thó nokkur ár sídan og ég hélt ad allir vissu um thetta bann, en thad er greinilegt ad ekki eru allir med hlutina á hreinu.

Svo thurftum vid ad skoda okkur um í nýju matvörubúdinni tharna og hún er stóóór, vid fjárfestum okkur í nýjum matardiskum og their eru sko ekki í minni kantinum:.-) Enda höfum vid ekkert ad gera med litla diska, thad kemst svo lítid á thá.

En ég er búin ad panta sumarhús í Danmörk fyrir okkur, vid ætlum sem sagt ad fara thangad og halda upp á afmælid hans Ásgeirs (hann verdur 40 ára í ágúst) Vid leygjum húsid frá 18 júlí, thannig ad ef ad thid eigid leid um Danmörk á theim tíma thá er bara um ad gera ad kýkja á okkur. Ég veit ad Ásgeir er farinn ad hugsa um afmælismatinn og ég á von á thví ad hann ætli ad hafa eithvad annad en pizzu á bodstólum:-)

Ég veit ekki alveg hvad ég á ad segja ykkur meira, en ég get thó bætt thví vid ad hér er búin ad vera grenjandi rigning í nótt, en ekki hefur ringt jafn mikid hjá okkur og hjá Gullu í Namibíu, ég var ad skoda myndir á blogginu hans Villa og thad hefur allt verid á floti hjá theim undanfarid. Strákarnir byrja aftur í skólanum á morgun eftir vetrarfríid og their eru farnir ad telja nidur dagana fram ad páskafríi:-) og thad eru bara 4 vikur í thad.

En núna nenni ég ekki ad skrifa meira, thannig ad ég seni ykkur bara kossa og knús hédan frá Norge:-))

Auka fri og nyjar myndir

2009-03-06T18:28:00.002+01:00

Eg og Aron forum til þeirra i Grimstad i gær, Cassandra var sofandi þegar við mættum a svæðið, en Alexandra vakti hana þegar við ætluðum i bæinn:-)

O hun er bara svo sæt, enda hefur hun það ekki langt að sækja þessi elska, hun er alveg eins og hun mamma sin, enda hefur mamma hennar alltaf verið talin mjög lik mer:-)) (sorry Hjalti, en þetta er ALVEG satt)

Umm snuddan er bara goð, alveg sama hvaða endi fer upp i mann:-)

En Gulla min, þetta var bara fyrir þig, en ef einhverjir aðrir eru að lesa bloggið mitt, endilega skiljið eftir kveðju, það er svoooo leiðinlegt að skrifa eða setja inn myndir ef enginn nennir að lesa:-)

Eg er ekki alveg að fatta af hverju eg get ekki sett inn kommur a viðeigandi stöðum, eg er sko i tölvunni hans Ingolfs, en eg sendi ykkur bara fullt af kossum og knusi heðan ur kuldanum i Norge.

Kominn tími til

2009-02-25T18:58:00.002+01:00

Jæja þá er komið að því að setja inn myndir af barninu. Við fórum til þeirra á sunnudaginn og Cassandra var bara hress, foreldrar hennar voru það líka:-)

Þegar hún loksins tók snuð þá var sko ekki aftur snúið, núna vill hún ekki vera án þess.

Hún er bara falleg og svo er hún farin að öskra aðeins, enda er svo skemmtilegt að heyra í sjálfum sér:-))

Hvaða skrýtna kona er þetta sem er alltaf að taka myndir af mér?

Cassandra og afi gamli, en auðvitað gleymdum við að taka mynd af ömmu og henni, en við reynum að muna það næst þegar við sjáum hana.

Annars er allt gott að frétta, ég er búin að vera að vinna svo mikið undanfarið að ég hef bara ekki orkað að blogga, en eitthvað var hann Unnþór að klaga þannig að ég bara varð að setja inn myndir:-)

Strákarnir fara í vetrarfrí á mánudaginn og að sjálfsögðu hlakkar þeim mikið til, en við gömlu verðum bara að vinna, ekkert vetrarfrí hjá "eldra" fólki.

Jæja ég nenni ekki að skrifa meira þannig að ég sendi ykkur bara kossa og knús héðan úr slabbinu:-)

Nýjar myndir af barninu:-))

2009-01-31T18:08:00.002+01:00

Afi að kenna henni að labba:-) enda kominn tími til, hún er að verða 4 mánaða þessi elska.

Byrjar snemma að tala í símann, en þau voru hjá okkur í mat í gær og Cassandra var bara hin rólegasta á meðan, en ég hef einhvern grun um að hún hafi viljað smakka á matnum sem hann afi hennar var að elda fyrir okkur, enda kemur hún úr mikilli matarfjölskyldu:-)

Æi koddu hérna gamla og kysstu mig:-D

Cassandra og besti vinur hennar hann Tommy.

Hann er svoooo góður á bragðið. En þau voru að flytja í dag til Grimstad, í rosalega flotta íbúð, þannig að ég og hann Aron vorum barnapíur í dag og þó svo að ég segi það sjálf þá stóðum við okkur með príði:-)

Annars er bara ekkert að frétta hjá okkur þannig að ég sendi ykkur bara kossa og knús:-)

Snjór og meiri snjór

2009-01-24T11:41:00.002+01:00

Já thad snjóar sko í Vennesla ,en thad er kannski ekki vid ödru ad búast svona um hávetur:-) Ætladi ad setja inn myndir fyrir ykkur, en ég er bara ekki ad fatta hvernig ég á ad setja thær inn, ég er búin ad vera ad reyna í allan morgun en ég bara gafst upp á endanum. Svakalega voru mörg ég í thessari setningu. En hvad um thad.

Thegar ég var búin ad vinna í gær ákvad ég ad moka upp bílinn, thad tók mig bara einn tíma og í dag er ég ad drepast úr hardsperrum, já Jóhanna mín ég fer sko ekki í ræktina heldur geng bara um med skóflu og moka snjó.-))

Af fröken Cassöndru er allt gott ad frétta, hún var í 3ja mánada sprautunni á mánudaginn og var skellt á vigtina í leidinni og hún er ordin 6.3 kíló og 57.5 cm, thannig ad hún er bara lítil og feit thessi elska:-) Hmmmm, hvadan ætli hún hafi thad? Ekki frá ömmu sinni, sem er høy og slank:-D En hún er vodalega vær og gód og virdist bara hafa thad ágætt. Vid ætludum ad bjóda theim í mat á morgun, en thad er bara ekki bílfært hérna uppi hjá okkur thannig ad vid verdum bara ad fresta matarbodinu um nokkra daga. Ég var farin ad hlakka svo til thví Ásgeir ætladi ad hafa Hana í víni, aumingjans ég.

Strákarnir hafa thad bara fínt, unglingurinn er ad sjálfsögdu í tölvunni (Aron vill meinda ad Ingólfur eigi sér ekkert líf sökum mikillar tölvunotkunar, en hvad vitum vid svo sem) Aron Snær er hjá honum Erlend, hann gisti thar sko í nótt. Hann er hæstánægdur med allan snjóinn, hefur eiginlega ekki tíma til ad koma inn og gera heimavinnuna sína og thegar hann kemur loksins inn er hann rennandi blautur og kaldur, en vodalega ánægdur.

Ásgeir er ad vinna, hann vard ad taka strætó í morgun thví thad er ekki mokad hér uppi på Snømyr um helgar, enda er frekar thungfært hérna í Vennesla akkurat núna og færdin á bara eftir ad fara versnandi. En frúin er í helgarfríi og ætti eignlega ad vera ad taka til eda eitthvad, en ég geri thad bara seinna, enda er vodalega notalegt ad kúra bara upp í sófa í svona vedri:-)

Jæja ég sendi ykkur bara kossa og knús hédan frá Norge.

Jæja þá eru það myndir

2009-01-18T19:35:00.005+01:00

Við fórum í heimsókn til Cassandra í dag, hún er orðin ekkert smá stór þessi elska:-) Hér er hún með honum Ingólfi frænda sínum.

Hér eru hún og afi að spjalla saman.

Ég fattaði það áðan að það eru bara aldrei teknar myndir af mér og henni saman, verð að gera eitthvað í því.

Ef mamma segir nei, þá spyr ég bara pabba:-)

Hún er bara yndisleg þessi elska. Annars er allt gott að frétta hjá okkur, það snjóaði í gær, en í dag er rigning, ekki mjög skemmtilegt, en svona er þetta víst.

Aron Snær litaði á sér hárið á föstudaginn, rosalega flottur, ég nenni ekki að taka mynd af honum núna, geri það seinna. Verð að viðurkenna að ég er í tölvunni hans Ingólfs, ég er semsagt ekki búin að fá inn íslensku stafina. En ég held að ég verði að kaupa eitthvað forrit (Windows eða eitthvað) þar sem hún Harpa Sjöfn er með forrit sem heitir Linus.

Man ekki eftir neinu meira til að segja ykkur, þannig að ég sendi bara kossa og knús á línuna frá okkur héðan í Norge.

Jæja tha ætla eg ad profa ad blogga

2009-01-11T12:43:00.003+01:00

a nyju tølvuna mina, en eins og thid sjaid hef eg ekki fundid ut hvernig eg a ad setja inn islenska stafi, en vonandi tekst mer thad bradum. Eg er heldur ekki buin ad læra ad setja inn myndir a hana, kannski tharf eg bara ad fara a namskeid:-)

Annars er bara allt gott ad fretta hja okkur, Aron er buin ad vera i Lillesand alla helgina hja Zilas, Ingolfurinn minn for i feladsmidstødina a føstudaginn svo vid gømlu vorum bara alein heima, vodalega notalegt.

Thad er ømurlegt vedur uti, grenjandi rigning og rok, ekki mjøg spennandi. Sa svo flottar vetramyndir hja henni Ellu gellu frænku og fekk svakalega "heimthra" eg verd bara ad vona ad thad fari ad snjoa hja okkur bradum. Gulla systir og lidid hennar er a leidinni "heim" til Namibiu
ætlli thau verdi ekki komin seint i kvøld.

Sendi ykkur øllum bara astar og saknadarkvedjur fra okkur øllum her i Norge

Nýja tölvan mín)

2009-01-09T20:30:00.002+01:00

Mín er þessi litla og hún heitir Harpa Sjöfn. Ég elska hana og hann Ásgeir minn:-)

Jæja þá er það vinna á morgun

2008-12-28T14:15:00.002+01:00

Fattaði að ég hafði gleymt að þakka ykkur fyrir jólagjafirnar sem við fengum (roðna niður í rass... af skömm) En takk fyrir okkur, hér flóði allt í nammi, DVD myndum, nokkrar bækur slæddust með (mér til mikillar gleði) og þessi fallegi jóladúkur sem hún systir mín hafði saumað fyrir okkur. Hún er bara snillingur þessi elska:-)

Þetta er hann Aron Snær í sínu fínasta pússi, ég er sko að nota tölvuna hans Ingólfs og ég kann greinilega ekki nógu vel á hana því ég hélt að ég væri búin að snúa myndinni rétt, en það gekk víst ekki hjá mér.

Og svo er það Ingólfurinn minn, þessi mynd er tekin nokkrum mín. fyrir jól og hann er að sjálfsögðu í tölvunni á milli þess sem hann sagði pabba sínum að drífa sig að elda því hann væri orðinn svo svangur:-)

Á þessu heimilinu eru það alltaf börnin sem skreyta jólatréð, Ingólfurinn minn vildi meina að hann væri ekki barn lengur, svo þess vegna þurfti Aron að sjá um að skreyta tréð aleinn. En hann gerði það mjög vel drengurinn, eins og hans er von og vísa.

En við höfum haft það alveg rosalega gott, borðað aðeins of mikið en við máttum alveg við því.-) Lesið og borðað aðeins meira, horft á margar myndir og borðað aðeins. En á morgun tekur alvara lífsins við, frúin þarf að fara að vinna, en ég þarf nú bara að vinna í tvo daga og svo fæ ég 5 daga frí þannig að þetta reddast:-))

Svo ætlar fröken Cassandra, með fylgdarliði, að vera hjá okkur á gamlárskvöld, ég hlakka mikið til. En litla fjölskyldan var í Grimtad yfir jólin í góðu yfirlæti, nema hvað hún dóttir mín var ekki ánægð með að fá ekki jólamatinn sinn, við höfum ALLTAF svínahamborgarhrygg, en fjölskyldan hans Christoffers hefur alltaf ribbe (purusteik) En hún fær hamborgarhrygginn sinn á næstu jólum, sem betur fer:-)

Jæja nú hef ég bara ekki frá neinu meira að segja svo að ég sendi ykkur bara fullt af kossum og knúsi og enn og aftur takk fyrir okkur.-)

Gleðileg jól

2008-12-26T19:48:00.003+01:00

Smá sýnishorn af jólagjöfunum okkar

Uppáhalds tengdamamma mín saumaði þessa mynd fyrir mig

Hér er hann Ásgeir minn að elda jólasteikina

Og hér er mynd af henni Cassöndru, þetta barn er bara fallegt:-)

En við sendum ykkur bara jólakveðjur frá okkur í Norge

það eru að koma jól

2008-12-21T23:40:00.002+01:00

Góðan daginn öll sömul hér er fröken Cassandra nývöknuð:-) Þessi elska var hjá ljósmóðurinni á miðvikudaginn og hún var orðin 5810 gr og 56 cm. þannig að það tognar úr manni

Í fallegu fötunum sem hún amma mín í Grimstad prjónaði fyrir mig.

Sofðu unga ástin mín, úti regnið grætur,

mamma geymir gullin þín

gamla leggi og völuskrín

við skulum ekki vaka um dimmar nætur.

Gott að kúra hjá afa, þessi mynd er bara flott og minnir okkur bara á það þegar börnin okkar voru að rífa í bringuhárin á honum pabba sínum:-)

Koss og knús frá okkur í Norge

Og þá er kominn desember

2008-12-01T13:35:00.003+01:00

Aron og Cassandra, hún er orðin svo stór og búttuð, enda er alveg yndislegt að kyssa hana og knúsa.
Hér er hún með afa sínum, hann sá um að passa hana á meðan við hin skreyttum, hann horfði á Prison break og hún bara svaf á meðan. Ferlega notalegt líf.
Ekki góð mynd, en ég byrjaði aðeins að skreyta í gær, með hjálp frá Alexöndru og Ingólfurinn minn sá um jólatónlistina:-)
En þær mæðgur Alexandra og Cassandra komu til okkar í gær og litla snúllan var vakandi (svona af og til) og í góðu skapi að vanda, enda ekki annað hægt þegar jólin eru alveg að koma:-)
Hér er hún að hlusta á hann frænda sinn segja frá því hvernig jólin voru þegar hann var yngri, ein jólin þegar hann og Alexandra voru 4 og 6 ára fengu þau súkkulaðidagatal og honum fannst súkkulaðið svo gott að hann át allt súkkulaðið úr sínu dagatali 1 des. og ekki gat hann hætt svo hann borðaði allt úr Alexöndru dagatali líka:-) Sömu jólin komu 13 jólasveinar til byggða og þeir gefa öllum góðu börnunum eitthvað gott í skóinn, en drengurinn hafði verið eitthvað óþekkur svo hann fékk kartöflu einn daginn, þegar við spurðum hann hvað hann hafði fengið, var hann fljótur að svara; ég fékk súkkulaði og ég er búinn að borða það. En um vorið þegar snjórinn var horfinn fundum við kartöflu fyrir neðan herbergisgluggan hans:-) Hann er bara snillingur þessi elska.

Hér er svo hann Aron minn, vatnsgreiddur og flottur. Hann var hjá Zilas alla helgina, þannig að það var mjög rólegt hjá okkur, en hann skemmti sér vel. Zilas eignaðist bróður 22 nóv. og heitir drengurinn Sander, þannig að Aron kom heim uppfullur af uppeldisráðum um ungabörn og að sjálfsögðu deildi hann þeim með systur sinni.

En annars er bara allt gott að frétta hjá okkur, það snjóar núna og það er ferlega jólalegt hjá okkur. Ég er bara í fríi, átti inni einn sumarfrísdag og ákvað bara að taka hann í dag. Svo er ég bara að hlusta á jólalögin á netinu og drekka kaffi, ferlega notalegt. Hún systir mín er að fara um borð í flugvél núna (hún fór frá Namibiu í gær og ég er bara ekki viss um það hvar hún er stödd núna) og hún lendir á Íslandi eftir 4 tíma:-)

En ég sendi ykkur bara kossa og knús héðan úr jólasnjónum

Nokkrar myndir af fröken Cassöndru:-)

2008-11-18T17:15:00.003+01:00

Fyrst mynd af flotta kjólnum mínum sem hún elsku tengdamamma mín prjónaði á mig:-) Hún er algjör snillingur þessi kona.

Svo er það hann herra Aron Snær, drengurinn er sko töffari dauðans.

Svo er loksins komið að aðalgellunni, henni Cassöndru. Ég og afinn vorum að passa hana í gær á meðan Alexandra fór til læknis. Pössunin gekk eins og í sögu, enda er hún algjör engill þessi elska. En hún ætlaði eitthvað að fara að æsa sig, en þá gekk afi bara um gólf með hana og þá sofnaði hún.

Hér eru þær mæðgur og Aron. Ingólfurinn minn vildi nú vita hvenær við gætum haft hana yfir heila helgi, en ég hugsa að það verði langt þangað til, enda er hún á brjósti og þau liggja víst ekki á lausu:-)

Hæ amma, segir hún og er bara ánægð með lífið. En hún er algjör draumur, farin að brosa og "tala" aðeins og alltaf jafn róleg, hef grun um að það hafi hún frá ömmu sinni:-)

Halló allir, en hún var í skoðun í morgun og er orðin 4910 gr og 52.5 cm. Þannig að barnið fær greinilega nóg að borða og komin með bollukinnar, enda er alveg yndislegt að kyssa hana og knúsa:-) og við gerum sko mikið af því.

En af okkur er bara allt gott að frétta, hér er enginn snjór kominn, en það var alveg ferlega kalt í dag svo að við vorum ekki lengi úti í leikskólanum, en við bætum úr því á morgun. Jebb, frúin er komin í 100% vinnu, þannig að það verða engir sælumiðvikudagar hjá mér á næstunni. En ég er voðalega ánægð með að vera að vinna på skauen 3 daga í viku og hina 2 á bie 2. Ingólfur er byrjaður í prófum, hann var í norsku skriflegri í dag (en hann skrifar svo illa drengurinn að hann fær að taka skriflegu prófin á tölvu) en honum gekk að eigin sögn bara mjög vel:-)

Jæja ég nenni ekki að skrifa meira í bili, þannig að ég sendi bara fullt af kossum og kn´sum til ykkar allra.

Aron kominn með gemsa og....

2008-11-10T19:00:00.003+01:00

hann er ekkert smá ánægður með það. Foreldrar hans eru sko orðin frekar leið á því að þurfa að hringja í þúsund manns, ganga í öll hús í nágrenninu og vera með áhyggjur af honum þegar hann skilar sér ekki heim eftir skóla. Þannig að þetta er vonandi góð fjárfesting hjá okkur, sjáum til á morgun hvort hann verði ekki búinn að týna símanum:-) Vona ekki, því þetta á að vera svona öryggisnet fyrir okkur og hann.

En ég var að lesa á BB áðan að Brennivínskjallarinn á Ísó væri fundinn, frábær fyrirsögn á frétt:-) Þannig að það er bara einn svona kjallari á Ísó, eins gott kannski, en þegar maður les fréttina aðeins betur þá kemur í ljós að þetta var köld geymsla fyrir mat:-) sjálfsagt eitthvað af brennivíni verið geymt þar líka, hehehe.

En af Cassöndru er allt gott að frétta, Ásgeir ætlar að heimsækja hana á morgun áður en hann fer að vinna, læt hann taka Stellu með svo að við getum fengið nýjar myndir af snúllunni.

Ég sendi ykkur bara fullt af kossum og knúsi, kveðja Maja og allir hinir jólasveinarnir:-)

Fréttir (ekki merkilegar þó)

2008-11-05T15:33:00.004+01:00

Hér er Ingólfurinn minn að segja henni Cassöndru eitthvað mjög merkilegt, hún hlustar að minnsta kosti á hann þessi elska. Það var mjög gaman að fá þau í heimsókn síðasta sunnudag, hún var meira að segja vakandi, þannig að við slógumst aðeins um að fá að halda á henni, en enginn slasaðist alvarlega í óeyrðunum, sem betur fer:-)

Hér hefur amman greinilega unnið slaginn um barnið, en það er bara svooo gott að halda á henni og kyssa og knúsa hana. Gleymdi að taka mynd af henni og afanum, en hann passaði hana á meðan við hin kláruðum að borða, hún sofnaði í fanginu á honum, þannig að afafang er best:-)

En þessi litla fröken fór í skoðun í morgun og þá var hún takk fyrir orðin 4400 gr. Þannig að hún er búin að þyngjast um 1100 gr síðan hún fór heim af spítalanum þann 11 okt. Ekki oft sem maður er ánægður með það að þyngjast um rúmt kíló á 26 dögum:-) En hún braggast mjög vel þessi elska, enda er mamma hennar mjög dugleg að gefa henni að drekka. Cassandra er mjög lík mömmu sinni í útliti (að skoða myndir af Alexöndru svona lítilli er bara eins og að horfa á Cassöndru) en mamman var snuddubarn mikið, vildi helst hafa 4 eða 5 snuddur í einu, en fröken Cassandra vill ekki sjá svoleiðis drasl, hún eiginlega bara kúgast þegar snuddan er sett upp í hana. En það á kannski eftir að breytast, hver veit.

Það er vinnuvika í skólanum hjá honum Ingólfi mínum og hann fékk vinnu á Kjesk (veitingastaður í Kr. sand sem er í eigu þeirra sömu og eiga Glipp þar sem Ásgeir er að vinna) og drengurinn er bara ánægður með það. Honum finnst gaman að skera grænmeti og búa til kjötbollur og allt svoleiðis, þannig að kannski verður hann kokkur eins og pabbi sinn?

Aron Snær er að fara í keilu með bekknum sínum á eftir, en hann nennir ekki að spila, þannig að hann borðar bara sína pylsu í ró og næði og horfir svo á hina spila.

Koss og knús frá okkur öllum hér í Vennesla

Hann Aron

2008-11-02T09:56:00.003+01:00

Á föstudaginn var haldið upp á hrekkjavökuna hérna í Norge og hann Aron Snær ákvað að vera hann H í CSI, hann var með byssuna klára og að sjálfsögðu voru sólgleraugun sett upp:-)

"I before e, except after c". Þið verðið að fara inn á youtube og skoða myndbandið með honum Jim Carey þar sem hann gerir grín af honum H, það er bara fyndið:-) En drengurinn kom heim með fullt af nammi og var alsæll með það. Svo var stóri bíódagurinn í Norge í gær (þá er helmingsafsláttur af bíómiðunum) og Aron skellti sér í bíó. Núna er hann að keyra bílinn sinn úti á svölum, þegar Unnþó var hérna bjuggu þeir frændur til bílamyndband og settu inn á youtube undir heitinu Arons video 1. Þið ættuð að skoða það.

Annars er bara allt gott að frétta hjá okkur, yndislegt veður, ískalt og sól:-) Cassandra ætlar að koma í heimsókn til okkar seinna í dag, við vonum bara að hún geti haldið sér vakandi í smá tíma svo að við getur haldið á henni og knúsast aðeins með hana. Mamma hennar kemur sko líka og henni er boðið í mat:-)

Jæja ég man ekki eftir neinu merkilegu til að segja ykkur, þannig að ég sendi ykkur bara kossa og knús

Snjór og kalt

2008-10-30T17:14:00.003+01:00

Aron alltaf jafn ánægður með hana litlu frænku sína, þumalinn upp fyrir þeim tveimur:-)

Hér er fröken Cassandra á leiðinni heim til sín, eftir heimsókn hjá okkur, hún er svo flott í þessum galla, en litla stýrið svaf svo vel í ömmu og afa rúmi að þegar hún loksins vaknaði var slegist um að fá að halda á henni:-) Aron spurði mig að vísu hvort það væri ekki í lagi að vekja hana, en amman hélt nú ekki, enda um að gera að nota tímann á meðan þessi smákríli sofa, það verður ekki mjög langt þangað til að við förum að óska þess að hún sofi aðeins meira (þegar hún verður eldri sko)

En hér er hún að segja honum Aroni einhverja sögu og hann hlustar að sjálfsögðu á það sem barnið hefur að segja:-) Enda er hann voðalega natinn við svona smá börn, en honum langar ekki að vera stóri bróðir, það nægir honum að vera litla barnið á þessu heimilinu:-)

Hér er hún að kveðja afa sinn og hann hana. en þær mæðgur komu til okkar síðasta sunnudag til að geta kvatt langömmu, langafa og Unnþór afabróðir þar sem þau voru að fara til Íslands snemma á mánudagsmorgninum.

En að snjónum, það snjóaði hjá okkur í gær og mikið var gaman í vinnunni þá, fyrsti snjór vetrarins og börnin vildu fara út að leika. Við fórum út og bjuggum til risa snjókarl (hann var á hæð við mig:-)) svo málaði ég á hann augu, munn og tölur og hún Gerd (það er konan sem stjórnar í eldhúsinu) gaf okkur gulrót svo Snæfinnur fékk nef líka:-) En í dag þegar ég fór í vinnu (mætti 6.25) var eiginlega allur snjórinn farinn, enda voru þrumur og eldinga og grenjandi rigning hér í gærkveldi, en það var samt hálka í morgun. Og aumingja Snæfinnur snjókall (snømannen Kalle á norsku) var horfinn, en ég á nú ekki von á öðru en að við eigum eftir að búa til nýjan snjókall í vetur.

Koss og knús frá okkur í Norge

Myndir og fréttir

2008-10-25T18:49:00.002+02:00

Aron tók mynd af ömmu sinni, hann er bara snillingur með myndavélina drengurinn.

Lúlú sendi mér sms þegar þau voru á leiðinni til okkar, hún vildi bara fullvissa sig um að það væri bara ég sem kæmi að sækja þau, því þau voru með svo mikinn farangur með sér. Ekki málið, en það var hann Unnþór sem var laumufarþeginn:-) Við vissum ekki að hann ætlaði að koma, en engum fannst skrýtið að Lúlú kæmi með svo mikið með sér að það væri ekki pláss fyrir fleiri í bílnum, enda gerir hún það alltaf. Og já ég fékk fullt af kaffi, hún kom með 6 kg af lakkrís, hangikjöt, konfekt, fullt af vettlingum og húfum fyrir okkur, jólakjól á mig sem hún hafði prjónað (og hann er æðislegur:-)) og rúsínan í pylsuendanum var skatan sem þau færðu okkur:-) Núna get ég ekki beðið eftir Þorláksmessu.

Hér er Cassandra í fanginu á henni langömmu sinni, voðalega notalegt.

Svo þurfti afinn að prófa að halda á henni og litla skottið svaf bara.

Og hér eru þær mæðgurnar.

Við erum búin að hafa það alveg rosalega gott síðustu dagana, erum búin að fara að skoða okkur aðeins um í Kristiansand og í Sörlandssenteret og Lúlú er auðvitað búin að skoða handavinnubúðirnar:-)

Koss og knús frá okkur öllum í Vennesla

Kampavín og kavíar

2008-10-19T11:35:00.002+02:00

Fyrst 2 myndir af Cassöndru:-) Vil bara láta fólk vita að þjófnaður á myndum af henni er leyfilegur, enda um að gera að sem flestir fái að sjá hana. En hún er með eindæmum stillt stúlka, grætur eiginlega ekkert, nema þegar hún er svöng og svoleiðis. Vona að hún verði svona róleg áfram.
Ingólfurinn minn er voðalega hrifinn af henni, enda ekki annað hægt. Aron fór með myndir af henni í skólan til að sýna bekknum sínum, ferlega stoltur móðurbróðir:-)

En þá að þessu með kampavínið og kavíarinn, þessi bloggfærsla er sko númer 100 hjá mér:-) Ég er ferlega stolt af mér fyrir að hafa nennt þessu svona lengi, en það er nauðsynlegt fyrir ykkur að fá að fylgjast aðeins með okkur.

Núna eru bara 3 daga þangað til að Lúlú og Jón koma til okkar og bara 66 dagar fram að jólum:-) Vona að tengdamamma mín muni eftir kaffi fyrir mig, á nefnilega bara norskt sull:-( og ég get ekki boðið þeim upp á svoleiðis, en ég er að vísu ekki búin að byðja hana um það, en ég geri bara ráð fyrir að hún þekki mig þessi elska:-)

Ég var á ráðstefnu á föstudaginn, það var alveg ferlega gaman, þetta var svona lokapunkturinn eftir 3ja ára vinnu við að gera leikskólana í Vennesla betri en þeir voru.-) Alveg frábært að sjá það svart á hvítu að við erum á réttri leið. Svo er ég að fara til Oslo með leikskólanum í byrjun desember. Við förum á fimmtudegi og komum heim aftur á laugardegi. Við ætlum að skoða einhver leikskóla og sjá hvernig þau haga starfinu hjá sér. Svo verður jólahlaðborð á fimmtudagskvöldinu og á föstudeginum ætlum við á tónleika með De Lillos, ég hlakka mikið til:-)

Koss og knús frá okkur öllum

Myndir af Cassöndru

2008-10-16T20:02:00.002+02:00

Ég og strákarnir fórum og heimsóttum Cassöndru og foreldra hennar í dag:-) Hún var vakandi allan tíman sem við stoppuðum og amman fékk að sjálfsögðu að halda á henni. Alexandra fann það út að það væri best ef að ég , Ásgeir og strákarnir tölum íslensku við hana, því hún verður að sjálfsögðu að læra íslensku líka, en hún og Christoffer tala við hana á norsku.
Hello Kitty, það dugar ekkert annað fyrir svona prinsessur. Ég og Aron fórum svo í dag og keyptum handa henni samfellu, sem á stendur: Ef mamma segir nei við mig, þá spyr ég bara pabba:-) Ferlega krúttlegt, svo keyptum við smekki fyrir hana líka, á öðrum þeirra stendur: höfuð fjölskyldunnar. Ég sá í sumar samfellu sem á stendur: amma mín roolar, þarf að kaupa svoleiðis fyrir hana:-)
En þessi unga og spræka amma er alltaf að vinna, í dag fórum við á Skautrollan, alltaf gaman að koma þangað (Skautrollan er útivistarsvæði sem leikskólinn á og þar eru elstu börnin 3 daga í viku, alveg yndislegt að vera þarna) Inni í þessum kofa, kann ekki betra orð yfir þetta, nema ef vera skildi skýli, borðum við og svoleiðis.
Svo þurfum við að elda matinn yfir báli, krökkunum finnst þetta alveg frábært, ég hef eldað ýmislegt á bálinu, th. hafragraut, wook, ostasamlokur, tómatsúpu og fleira. Það er ekkert sem er eins gott á bragðið og maturinn sem er eldaður á Skautrollan:-) En við skemmtum okkur mjög vel þarna uppi, það eina sem mér líkar ekki við þarna er að það er útikamar, æl, ég get ekki hjálpað krökkunum að fara á hann, mér verður bara flökurt við að opna hurðina inn á hann:-)

Núna eru bara 6 dagar þangað til að Lúlú og Jón koma:-) Frábært.

Ég keypti mér piparkökur í dag, ummm, það eru nefnilega alveg að koma jól, bara 69 dagar þangað til og þeir eiga eftir að líða eins og skot. Ég er samt ekki byrjuð að hlusta á jólalögin, en ég byrja á því í byrjun nóvember, ég er búin að finna fram alla jóladiskana okkar þannig að ég er klár:-) Svo keypti ég jólagos fyrir strákana og jólamarsipan fyrir Ingólfinn minn:-)

Koss og knús frá ömmunni sem er að komast í jólastuuuð:-)

Vikugömul:-)

2008-10-15T17:44:00.002+02:00

Cassandra er orðin vikugömul, þessi elska:-) En hér er hún í fanginu á henni ömmu sinni og horfir undrandi á hana. Krakkarnir á leikskólanum mínum vita að ég er orðin amma, þau eru ekki alveg að fatta þetta, en ég er að sjálfsögðu búin að sýna þeim myndir af henni. Þau halda flest að ég sé mamma hennar (enda er ég svoooo ung:-)) en annars eru þau bara farin að kalla mig bestemor, æi þau eru svo yndisleg.
Gott ef hún brosir ekki á þessari mynd:-) Enda er amma hennar þekkt fyrir að reyta af sér brandarana, hehehe.
Ekki var hún sátt við þetta, enda skil ég hana bara vel, hvað kemur það öðrum við hversu mörg kíló maður er:-) En það er allt gott að frétta af litlu fjölskyldunni, sú litla lætur í sér heyra þegar hún er svöng og þá fær hún auðvitað að borða:-) Ég er að hugsa um að fara til þeirra á morgun, ég hef ekki séð hana síðan á laugardaginn. En svona er það þegar maður er alltaf að vinna, þarf að koma heim og gefa liðinu sínu að borða og hjálpa til með heimalærdóminn, þvo og allt það sem fylgir því að eiga fjölskyldu, þá hefur maður bara ekki tíma til að gera allt það sem mann langar til að gera. Því miður.

Aron átti ekki til orð yfir mig á laugardaginn, ég fór og keypti bleijur, olíu, nuddolíu, krem og blautservíettur fyrir Cassöndru, svo segir hann og hvað keyptir þú af mat fyrir hana. Ég sagði eins og var að ég hefði bara ekki keypt neitt matarkyns, já en mamma halló hvað á hún þá að borða. Nú ekkert, segi ég og fæ ekki fallegt augnaráð frá honum. En Aron þú veist jú að svona lítil börn drekka bara mjólk, ah hann hafði gleymt því og hélt að ég væri svona vonda amma:-)

Svo langar mig til að óska elsku bróður mínum innilega til hamingju með afmælið, elsku Doddi minn ég vona að þú hafir átt góðan afmælisdag:-)

Svo er bara vika þangað til að Lúlú og Jón koma til okkar, ég hlakka mikið til að sjá ykkur og ég veit að ég er ekki ein um að telja dagan þangað til:-)

Koss og knús frá Maju og liðinu hennar

Fröken Cassandra:-)

2008-10-11T17:49:00.004+02:00

Hann Aron var ekkert smá ánægður með hana frænku sína, eins og sjá má á þessari mynd:-) Hann hlakkar mikið til að geta farið með hana út að labba í vagninum, leika við hana og sjálfsagt á hann eftir að kenna henni einhverja nytsama hluti:-)
Ingólfurinn minn átti ekki til orð yfir það hvað hún er lítil og falleg:-) Enda er hún það þessi elska, svo hélt hún í puttan hans og það fannst honum frábært.
Hér er Cassandra komin í bílstólinn og er á leiðinni heim, yndisleg þessi húfa sem hún er með, hún lítur út eins og lítill bangsi.
Hér er hún komin heim í rúmið sitt. Þetta sængurver (eða milliverið) er 40 ára gamalt, saumað af henni tengdamömmu minni og notað af hennar strákum og strákunum mínum og núna var komið að Cassöndru að nota það:-) Hún svaf á leiðinni heim, svaf á meðan hún var klædd úr útifötunum og svaf þegar hún var sett í rúmið sitt, vona að hún verði svona róleg áfram.

Ég þurfti að fara með hann Aron á læknavaktina áðan, honum er búið að vera svo illt í vinstri ökklanum í allan dag, en læknirinn sagði bara að hann væri með bólgur í hælsininni og þyrfti nýja skó. Við erum sko nýbúin að kaupa skó á hann en þeir meiða hann greinilega, þannig að við verðum að finna skó sem eru með mjúkum hæl fyrir hann.

Ég á ekki von á því að hann pabbi minn lesi bloggið mitt (af augljósum ástæðum) en mig langar samt til að senda honum afmæliskveðju í tilefni dagsins:-)

Koss og knús frá okkur öllum hér í Norge

Hér er amma á ferð:-)

2008-10-08T19:43:00.003+02:00

Hér er hún elsku dóttir mín, sem stóð sig eins og hetja í dag og elsku Christoffer hennar, sem var alveg frábær í dag:-) þegar kraftaverkið var að skella á. Ég er svo stolt af ykkur báðum.
Þetta er fallega ömmustelpan mín, hún er bara algjör sykurmoli:-) Það er ekki búið að ákveða nafn á hana ennþá, en hún var 3400 gr og 48 cm löng og fullkomin í alla staði þegar hún fæddist kl 15.58 að staðar tíma.
Ég efast um að það hafi fæðst fallegra barn áður;-)
Og svo sefur hún eins og engill, þessi mynd er tekin þegar hún er 2 og 1/2 klst gömul, hún var búin að fá sér aðeins að drekka og horfði mikið á mömmu sína með fallegu augunum sínum. Amman fór og sótti afa í vinnuna til að hann gæti fengið að sjá hana og hann var alveg sammála mér um að hún er falleg.

Þetta sem ég upplifði í dag er bara geggjað, ég fékk að vera með alveg frá því að þau fóru upp á sjúkrahús og þangað til að sykurmolinn minn kom í heiminn:-) Ég bara get ekki hætt að brosa og vil engin leiðindakomment um það að ég sé að drepast úr væmni, maður má vera væminn þegar maður er orðin amma:-) og hana nú

Koss og knús frá ömmu, afa og tveimur stoltum frændum.

Þoka og þvottavéla vandræði

2008-10-05T14:40:00.003+02:00

Það var geggjuð þoka hér í morgun þegar ég vaknaði, en rosalega flott.
Það sást ekki á milli húsa.
En svo létti til og sólin skein, en svo byrjaði að rigna, en svo kom sólin aftur og svo kom rigningin. Svona er veðrið búið að vera í allan dag.

En að öðru, við eigum þvottavél sem er 5 ára, hún heitir Zanussi, kölluð Zanna (djók) en undanfarið hefur hún neitað að vinda, eða réttara sagt gerir hún það bara þegar henni hentar. En boj ó boj, þegar hún vindur þá er hávaðinn þvílikur, að það mætti halda að það væru tvær herþotur að lenda inni á baði. Ég er að hugsa um að athuga hvort að hann tengdapabbi minn vilji ekki skoða hana þegar hann kemur og athuga hvort að hann finni út hvað er að henni (annað en þrjóska) ég er nefnilega algjör auli þegar kemur að vélaviðgerðum:-)

Fyrir nokkrum vikum var Ásgeir staddur inni í verslun í Kristiansand, sem væri ekki í frásögu færandi nema að hann rak augun í Prince Polo, jebb með íslenskri innihaldslýsingu og alles. Þannig að hann keypti nokkur stykki fyrir okkur. En síðan þá er hann búinn að kaupa tvo kassa af þessu eðalsúkkulaði, enda er þetta bara hlægilega ódýrt, stykkið af Pólóinu kosta bara 4 kr, en þegar hann var í búðinni í gær að bæta við byrgðirnar okkar, þá segir maðurinn sem á búðina að hann ætli að hætta með verslunina núna um mánaðarmótin. En þetta er svo almennilegur kaupmaður að hann bauðst til að gefa Ásgeiri upp nafnið á heildsölunni sem flytur þetta inn í Norge. Þannig að Ásgeir er að hugsa um að fara bara að selja þetta, ætli hann verði þá ekki kallaður Geiri póló:-)

Við erum ennþá að býða eftir barninu, Jóhanna vinkona segir að hún komi 10 okt. Það væri gaman ef að þið sem lesið þetta setjið inn þá dagsetningu sem ykkur finnst trúlegust. Það verða verðlaun í boði fyrir þann eða þá sem getur upp á réttum degi og verðlaunin verða ekki af verri endanum, 4 stk. Prince Polo í boði Geira póló:-)

Koss og knús frá okkur í Norge

Hún á afmæli í dag

2008-10-04T18:42:00.002+02:00

hún á afmæli í dag, hún á afmæli hún Alexandra, hún á afmæli í dag:-) Elsku Alexandra okkar innilega til hamingju með 18 ára afmælið þitt.

Fyrst að ég er byrjuð að óska fólki til hamingju með afmælið, þá er bara að bæta við listan, í gær áttu Óli, Sara Sesselja og Birgitta Rún afmæli og við sendum þeim öllum okkar bestu afmæliskveðjur:-)

Annars er allt gott að frétta hjá okkur, strákarnir byrja í skólanum á mánudaginn eftir haustfríið. Við erum eigninlega bara að býða eftir barninu, vonum að hún komi bráðum, einhver skrifaði við fyrri færslu 5.10 þannig að ég vona bara að sá hinn sami sé spámaður góður.

Kossar og knús frá okkur í rigningunni

Ömmublogg:-)

2008-09-28T16:16:00.002+02:00

Hér er mynd af henni Alexöndru minni:-) Við vorum hjá henni áðan, ég og Ingólfur fengum að finna barnið hreyfa sig, ferlega geggjað. Hún er orðin frekar þreytt þessi elska, en það er bara vika í áætlaðan fæðingardag, þannig að þetta styttist óðum. En mikið hlakka ég til að fá að sjá litlu skottuna, spáið í því að ég er að verða AMMA, segi það og skrifa amma (og ég sem er svoooo ung:-)) Christoffer vill nú samt meina að hún komi í heiminn næsta föstudag, þann 3 okt, en einhvern grun hef ég um að hún dóttir mín vilji að hún fæðist þann 4 okt svo að hún fái hana í 18 ára afmælisgjöf, mér er eiginlega alveg sama þar sem að ég fékk hana ekki í afmælisgjöf:-)) í gær.
Þetta er það sem hún tengdamamma mín er búin að vera að dunda sér við, hún prjónaði teppi fyrir barnið og svo heklaði hún peysu, húfu og þá allra minnstu sokka/skó sem ég hef séð. Rosalega flott. Alexandra þakkar þér Lúlú mín fyrir þetta:-) og fyrir sængina og koddan.

Eins og þið vitið þá finnst honum Aroni rosalega gaman að baka, þannig að í gærkveldi bakaði hann lummur fyrir mig, alveg sjálfur. Þær voru alveg rosalega góðar, en því miður gleymdi ég að taka mynd af honum við baksturinn, en það er mynd af honum hér á blogginu þar sem hann er að baka pönnukökur fyrir pabba sinn. Svo er Ásgeir minn að elda afmælismatinn fyrir mig núna, hann hafði ekki tíma til þess í gær, en hér verður Hani í víni, ummm, ekkert smá gott.

Strákarnir eru komnir í haustfrí og þeir eru mjög ánægðir með það. En Ingólfur verður að vakna snemma á morgun því hann er að fara í skellinöðruæfingarakstur.

Kossar og knús frá Maju og liðinu hennar:-)

Afmælisblogg

2008-09-27T12:49:00.004+02:00

Hér er hann Ingólfurinn minn, rauðhærður:-) Hann litaði á sér hárið í Póllandi, ferlegur töffari. En hann skemmti sér alveg rosalega vel í ferðinni og hann hafði sko frá miklu að segja þegar hann kom heim.
Hér er að sjálfsögðu flaggað í tilefni dagsins. Frúin er sko orðin 25 ára, loksins:-) En það voru engar pönnukökur á boðstólum í morgun, Ásgeir er að vinna og ég nenni ekki að baka núna, sé til seinna í dag.

Við ætluðum að fara til hennar Alexöndru í dag, en hann Aron ældi svo í gærkveldi að ég þori ekki að fara með hann til hennar. En við förum á morgun og ég verð að muna að taka hana Stellu með mér til að taka myndir af bumbunni.

Annars er allt gott að frétta, hér er sól og frábært veður og afmæliskveðjunum rignir yfir mig:-) Takk til ykkar sem mundu eftir mér í dag.

Koss og knús frá okkur Vendölunum

Sú gamla var klukkuð

2008-09-26T18:35:00.002+02:00

Uppáhaldssystir mín klukkaði mig um daginn og hér er lífið mitt, eins og það leggur sig (fyrir utan allt það sem ég sagði ekki frá)

Fjögur störf sem ég hef unnið:

Gamla bakaríið á Ísó
Stuepike á Hotel Ernst (ferlega leiðinlegt)
Vinnslustöðin í Vestmannaeyjum (ferlega skemmtilegt)
Snømyra barnehage í Vennesla (elska vinnuna mína:-))

Fjórar kvikmyndir sem ég held uppá:

Með allt á hreinu
Heimskur heimskari
Harry Potter
Indiana Jones

Fjórir staðir sem ég hef búið á:

Reykjavík ó Reykjavík, þú yndislega borg
Blönduós
Hnífsdalur
Vennesla

Fjórir sjónvarpsþættir sem ég held uppá:

CSI Miami
CSI
Beat for beat
Svona var það 76

Fjórir staðir sem ég hef heimsótt í fríum:

Oslo
Stocholm
Hemsedalen
Flókalundur

Fjórar síður sem ég les á hverjum degi (fyrir utan blogg)

vg.no
db.no
mbl.is
bb.is

Matur sem ég elska:

Kjöt í karrý
Nautasteik a la Ásgeir
Hani í víni
Maturinn hennar tengdó (nú skoraði ég (vonandi) stórt hjá henni:-))

Fjórar bækur sem ég les oft

LØFT (allir ættu að eiga þessa bók, en ég veit samt ekki hvort hún er til í íslenskri þýðingu)
Agatha Christie (ég veit ekki hversu margar bækur ég á eftir hana, en þær eru margar og ég elska þær allar, get ekki gert upp á milli þeirra)
Íslenskar þjóðsögur og sagnir
Gráskinna hin meiri

Hvar væri ég til í að vera núna:

Windhoek (hjá henni Gullu minni)
Svíþjóð (hjá honum Dodda, að hoppa á trampólíninu, djók:-))
Á Ísó í mat hjá tengdó (ein með mat á heilanum, en það er alveg ok því ég er svo slank:-))
Upp á fæðingardeild með henni Alexöndru (vona að það verði ekki langt þangað til að við verðum þar)
Á Akureyri í kaffi hjá Jóhönnu og henni Ingu minni

Ég ætla að gera eins og Doddi og Tinna, ég klukka engan, enda hafa allir verið klukkaðir:-) og já Villi minn ég var klukkuð en ég er ekki klikkuð:-)

Kossar og knús frá Maju, sem ætlar til Alexöndru á morgun til að taka bumbumyndir af henni, og auðvitað skelli ég þeim inn hér:-)

Ein í kotinu:-)

2008-09-06T13:49:00.002+02:00

Jæja þá nenni ég loksins að setjast niður og skrifa eitthvað hér á bloggið mitt. Letin alveg að drepa mig, eða kannski frekar andleysi að hrjá mig.

Af okkur er allt gott að frétta. Ingólfurinn minn lagði af stað til Póllands í morgun, við þurftum að vakna kl 5, því hann þurfti að vera mættur við skólann kl 6. Þau taka bátinn yfir til Danmerkur og svo keyra þau til Þýskalands og verða komin þangað í kvöld, svo keyra þau á morgun til Póllands. Hann kemur svo heim aftur næsta laugardag. Hann neitaði að taka Stellu bleiku með sér, þannig að Alexandra og Christoffer lánuðu honum þeirra myndavél, vona bara að hann muni eftir að taka myndir:-)

Aron er bara úti að leika með honum Erlend og hann ætlar að gista hjá honum í nótt. Ásgeir er að vinna, þannig að ég sit bara hérna ein og hef það gott. Ingólfur skildi tölvuna sína eftir þannig að ég er að nota hana núna:-)

Við mæðgurnar fórum í Sörlandssenteret á miðvikudaginn og skoðuðum barnaföt, enda eru bara 4 vikur í settan dag. En jedúdda mía hvað það er til mikið af fallegum barnafötum í dag, ég varð bara alveg veik. Ég gleymdi að taka mynd af bumbunni, því miður, því hún er sko orðin stór.-) Svo ætla elsku tengdaforeldrar mínir að koma hingað þann 22 okt. til að skoða barnið, það verður gaman.

Jæja ég nenni ekki að skrifa meira núna, vona að andinn komi yfir mig bráðum, en þangað til næst sendi ég ykkur öllum bara kossa og knús:-)

Hann á afmæli í dag

2008-08-23T16:10:00.003+02:00

Hann Ásgeir minn á afmæli í dag og þessi elska er orðinn 39 ára gamall. Til hamingju með daginn ástin mín:-)
Auðvitað voru pönnukökur í morgunmat hjá okkur. Hann Aron minn sá um að steikja þær, svo var ís og súkkulaði með þeim:-)
Þetta er Ingólfurinn minn að borða pönnukökur
og hér er frúin.

Þessi dagur er bara búinn að vera frábær, norsku handboltastelpurnar fengu OL- gull í morgun og hann Andreas fékk OL-gull í spótkasti og hann setti nýtt OL met. Nina Solheim fékk silfur í Taikwondoo:-) En í fyrramálið er það íslenskur handbolti, Guð ég vona að strákarnir "okkar" taki gullið, ég verð að minnsta kosti fyrst út með fánann:-) Því að þeir eru jú búnir að tryggja sér silfur, sem er bara flott:-) Áfram Ísland, áfram Ísland:-)

Koss og knús frá okkur í Norge

Langt síðan

2008-08-08T18:26:00.003+02:00

síðast, en hér er mynd af jarðarberjum, ekkert smá góð:-)
og grænmetis markaðurinn er ekki af verri endanum.
Hér eru þeir feðgar, Ásgeir og Ingólfurinn minn. Aron var í Lillesand hjá honum Zilas þessa helgi, hann er fluttur þangað (Zilas sko) Ingólfurinn minn keypti sér tvær DVD myndir í Kr.sand og ég keypti mér DVD með honum Hercule Poirot, ég bara elska hann:-)
Himininn skartar líka sínu fínasta, ég hef aldrei séð svona fallegan regnboga. Þessar myndir voru teknar um hálf tíu í gærkvöldi.Hér er hinn helmingurinn af honum.

Alexandra og Christoffer eru að fara til Danmerkur snemma í fyrramálið og þau verða þar í 4 daga, ég vona að þau skemmti sér vel, enda eiga þau það svo sannarlega skilið. Það er nefnilega ágætt með smá frí áður en alvara lífins tekur við:-)

Koss og knús frá okkur í Norge.

"síðasti" frídagurinn minn

2008-07-25T19:28:00.003+02:00

Jebb frúin byrjar að vinna á mánudaginn aftur, eftir 4 vikur í leti. En ég hlakka svoldið mikið til að sjá aftur "börnin" mín:-) Hér er mynd af morillutrénu okkar, við erum búin að vera að týna nokkur ber og þau eru bara góð. Verð eiginlega að týna það sem ég get af þeim um helgina, því annars borða fuglarnir öll berin.
En ég er kannski ekki búin að liggja í leti í 4 vikur, í dag voru 30 gráður í forsælu hjá okkur og ég stóð inni og straujaði sængurver (þessi flottu sko) En það lak af mér svitinn við þetta, en mikið verður gott að fara að sofa í kvöld, hugsa samt að ég fari í sturtu áður:-)
Þessi mynd er tekin í Kristiansand fyrr í sumar, alltaf gaman að sjá falleg blóm, ég tek ekki myndir í garðinum mínum þar sem að mín blóm eru ekki svona flott:-)

Við hjónin fórum til Arendal á miðvikudaginn, Ásgeir átti tíma hjá augnlækninum. Við vorum á sjúkrahúsinu í tvo og hálfan tíma, mikið djö...... er leiðinlegt að bíða svona. En hann er með skemmd á sjóntauginni og þess vegna er hann hálfblindur á öðru auganu. Því miður er þetta ekki eitthvað sem gengur til baka, hann verður svona alltaf, en það þarf að fylgjast með þessu.

Annars er bara allt gott að frétta, strákarnir hafa það gott, enda eru þeir ennþá í sumarfríi, skólinn byrjar aftur 18 ágúst. Alexandra er hress og spræk, sem betur fer. Ég hlakka mikið til að heyra í uppáhalds tengdamömmu minni um helgina, hún er sko búin að vera í lööööngum göngutúr. Ég fékk sms frá henni þann 22 júlí og þá var hún búin að ganga 83 kílómetra, bara þann daginn:-) Þetta er næstum því eins og Forest Gump, nema að hún fékk ekki að hitta Elvis, Bítlana og alla hina:-)

Koss og knús frá okkur í Vennesla.

Rigning:-(

2008-07-19T16:15:00.002+02:00

Djö... ég get svo svarið það að þetta sumarfrí mitt er bara ekki búið að vera að gera sig. Það er búið að vera alveg ferlega leiðinlegt veður næstum allan tímann. Í dag er grenjandi rigning og svona haustlegt, en ég á von á því að sólin láti sjá sig í vikunni, enda eins gott þar sem að ég á bara eina viku eftir af fríinu mínu.

Aron fékk að sofa í tjaldi í nótt, hjá honum Ruben, hann skemmti sér bara vel þessi elska. En tjaldið lak aðeins í rigningunni, þannig að ein dýnan varð rennandi blaut, en þeir létu það nú ekki á sig fá, enda er enginn verri þó hann vökni:-)

Ingólfur er allur að koma til, enda þýðir ekkert annað. Metallica kemur alveg örugglega aftur til Norge:-) Alexandra fór á tónleikana með þeim á Íslandi og drengurinn er ekki ennþá búinn að jafna sig á því, enda er hann eins og gangandi orðabók um þessa hljómsveit. Hann veit ALLT um þá og þá meina ég allt. Hann tók svona Metallica Quiz um daginn og hann svaraði öllum spurningunum rétt. Núna býður hann bara eftir að nýji diskurinn þeirra komi út, en hann kemur út í september. Og að sjálfsögðu kaupum við hann:-)

Koss og knús frá okkur hér í "haustinu" í Norge

Gleði og sorg

2008-07-16T17:59:00.003+02:00

Við hjónin eigum brúðkaupsafmæli í dag:-) Jebb búin að vera gift í 14 ár. Ásgeir minn færði mér pottarós í tilefni dagsins og svo er hann að fara að elda steik fyrir okkur.
En Ingólfurinn minn er í mikilli sorg, Metallica er nefnilega að halda tónleika í kvöld í Bergen og við erum ekki þar. En miðarnir á þessa tónleika seldust upp á 5 mín. og ég er ekki að ýkja, þannig að við reynum bara næst þegar þeir koma til Norge.

Annars er bara allt gott að frétta af okkur, Zilas er búinn að vera hjá Aroni í allan dag og núna eru þeir hjá Zilas og ég held að þeir hafi ætlað að fara að busla í læknum hjá honum. En það er bara ekki búið að vera gott veður í dag, eiginlega bara kalt, þannig að ég veit ekki hvað þeir gera.

Koss og knús frá Maju og liðinu hennar

Skot túr til Oslo

2008-07-09T22:25:00.005+02:00

Við fórum keyrandi til Oslo eldsnemma í morgun, frúin fékk sko að keyra, ég tók þessa mynd þegar ég varð að taka smá reykingarpásu, mér finnst nefnilega vatnaliljur alveg ferlega flottar. Það voru þúsund fiskar þarna líka
og hér er Aron að barma sér yfir því að hafa ekki tekið nýju fínu veiðistöngina sem hann fékk í afmælisgjöf með.
Þetta er veitingastaður, alveg ferlega flott staðsetning. Við stoppuðum bara þarna svo að Ásgeir gæti tekið við stýrinu, ég var komin með krampa í hendurnar, axlirnar voru komnar upp að eyrum og ég þurfti að reykja:-) Hámarkshraðinn þar sem ég keyrði var 100, frúin keyrði í 110 og strákarnir hlógu sig í hel yfir tilhugsuninni um að löggan kæmi og sektaði MIG fyrir of hraðan akstur. Fyrir ykkur sem ekki vita, þá er ég búin að hafa bílpróf í tæp 20 ár og ég hef ALDREI keyrt hraðar en 90 (þegar það má sko) ég er nefnilega rosaleg með að keyra aldrei yfir hámarkshraða, en í dag var ég bara cool:-)
Auðvitað fórum við og skoðuðum slottið, ég efast um að þau ágætu hjón sem þar búa hafi verið heima. Það voru engir fánar eða neitt, þannig að við nenntum ekki að banka upp á hjá þeim.
Þetta er Stortinget, ekki góð mynd enda vorum við á hraðferð, við þurftum að finna íslenska sendiráðið fyrir kl 14. Ingólfur sagði að við ættum bara að leita eftir íslenska fánanum og þá værum við búin að finna sendiráðið. Þannig að við gengum upp Stortingsgata, fundum fánann, en nei, þessi fallegi fáni var utan á einhverrri herrafataverslun (ekki Sævar Karl) Þannig að við þurftum að ganga ennþá lengra upp, að húsi nr 30, mikið rétt sendiráðið er í því húsi, en enginn fáni og ekki neitt. Utan á þessu 8 hæða húsi eru bara auglýsingaskilti fyrir Elkjöp og önnur fyrirtæki. Mér varð svo mikið um að ég gleymdi að taka mynd.
En það er alveg fullt af ferlega flottum gosbrunnum í Oslo.
Þetta er hún frú Foss, norskur leikari sem er orðin 90 ára gömul og hún er alltaf jafn flott. Hvort sem hún er klædd í brons eða ekki:-)
Þetta er hann Ibsen, eða stytta af honum, Ingólfur vildi meina að fuglarnir gæfu skít á hann, en ekki í hann:-) En ég bara verð að segja að Oslo er ekki falleg höfuðborg, enda kvarta gestir mikið undan eiturlyfjaneytendum (sem eru að sprauta sig fyrir utan lestarstöðina) hórum sem eru að vinna á Karl Johan og öllum betlurunum sem eru út um allt. Og Aron var ekkert smá fúll yfir því að hann fann enga dótabúð í dag, þannig að hann "þurfti" að kaupa sér 2 PS2 leiki en ekki dót fyrir afmælispeninginn frá ömmu sinni.

En eitt verð ég að segja, hér í Norge er alveg ótrúlega mikið af jarðgöngum, ég ætlaði að telja hversu mörg göng við fórum í gegnum í dag, en þegar maður er að keyra á 110 km þá á maður svoldið erfitt með að telja göng, en mööörg voru þau. Ein göngin sem við keyrðum í gegnum heita Islandstunnelen, hvorki meira né minna. en ég hef ekki hugmynd um af hverju þau heita þessu nafni, en gaman fannst okkur af nafngiftinni.

Svo keyrðum við heim aftur, þegar við vorum búin að sækja um vegabréfin fyrir mig og strákana, heim vorum við komin um hálf níu, dauðþreytt en ánægð:-)

Koss og knús frá Maju og liðinu hennar.

Nokkrar myndir

2008-07-06T20:57:00.002+02:00

Ingólfurinn minn vildi endilega láta pabba sinn klyppa sig, hann var orðinn frekar hárprúður drengurinn.
Hér er hann kominn með hanakamb.
Og þetta er útkoman, hann er alveg skuggalega líkur honum Friðlaugi frænda sínum.
Alexandra kom til okkar og ég varð að taka bumbumynd af henni, hún er orðin frekar myndarleg þessi elska. Aron fékk að finna barnið sparka og var mjög stoltur af því:-)
Hér er svo afmælisbarnið með alla peningana sína, þessi mynd var tekin í gærmorgun þegar þeir félagarnir voru að borða pönnukökurnar.

Annars er ekkert að frétta hjá okkur, ég er bara búin að vera að horfa á Tour de France í dag, góður dagur fyrir Norðmenn þar sem hetjan frá Grimstad, hann Thor Hushovd, stóð uppi sem sigurverari:-) Það verður gaman að fylgjast með honum næstu vikurnar.

Koss og knús frá okkur hér í Vennesla

Hann á afmæli í dag:-)

2008-07-05T06:50:00.002+02:00

Þessi ungi myndarlegi drengur (sem sést hér í stífstrjaujaðri svuntu sem hann saumaði sjálfur) á afmæli í dag og hann er orðinn 11 ára:-) Elsku Aron okkar til hamingju með daginn. Alveg ótrúlegt að litla barnið mitt sé orðið svo gamalt, tíminn líður alveg skuggalega hratt.
Hér er frúin að mála stofuborðið, Ásgeir átti sko að taka mynd af mér að mála, en ég held að hann hafi verið uppteknari við að fá íslenska fánann með á myndina en borðið:-)
En svona lítur borðið út eftir fyrstu umferð, tek þá seinni í dag. Vona bara að það verði flott, mig hefur langað að mála þetta borð leeengi og í gær lét ég loksins verða af því.

Annars er allt gott að frétta af okkur, ég er búin að vera í sumarfríi alla vikuna og núna á ég bara 3 vikur eftir af fríinu mínu. Veðrið hefur leikið við okkur þessa vikuna, en á föstudaginn í síðustu viku var grenjandi rigning og þrumur og eldingar, rafmagnið fór af í smá tíma. Djö hvað það er óþægilegt þegar þú sérð eldingarblossana og húsið skelfur af þrumunum. Aron var einn heima þegar á þessu gekk, hann varð alveg skíthræddur (ég skil hann vel) en hann mundi eftir að taka allt úr sambandi og slökkva öll ljós, svo kom hann hlaupandi til mín í vinnuna, hundblautur og kaldur.

Við ætlum til Oslo á miðvikudaginn, ég og strákarnir þurfum ný vegabréf og til þess að fá þau þurfum við að fara til höfuðborgarinnar. En við komum heim sama dag, sendiráð Íslands í Oslo er staðsett i Stortingsgate sem er rétt hjá konungshöllinni, þannig að við förum og bönkum upp á hjá kong Harald og frú, svo getum við skoðað þinghús Norðmanna og að sjálfsögðu verðum við að labba upp Karl Johan götu. Er að láta mig dreyma um að enda ferðina í IKEA, en ég á eftir að tala um það við hann Ásgeir:-)

Jæja núna verð ég að fara að baka pönnukökur fyrir afmælisbarnið og Zilas, sem fékk að gista hjá okkur í nótt, Aron vill sko fá pönnukökur og pening í rúmið í dag, hann er stundum ekki alveg góður þessi elska. T.d hefur hann neitað að vaska upp eftir sig alla þessa viku, ástæðan, jú hann á sko bráðum afmæli:-) Hjá honum er ekki bara afmælisdagurinn dekurdagur, nei vikan áður og örugglega vikan á eftir líka.

Koss og knús frá morgunhananum í Vennesla og liðinu hennar

Til hamingju með daginn

2008-06-17T18:06:00.003+02:00

Hér blaktir fáninn við hún:-)

En það er ekki oft sem Ísland kemst í fréttirnar hérna í Norge, en í dag eru allir fréttamiðlar fullir af fréttum af ísbirninum sem er búinn að hreiðra um sig í æðarvarpinu á Hrauni. En enginn af þessum miðlum hefur tekið það fram að í dag 17 júní sé þjóðhátíðardagur Íslands. Skammarlegt bara. Eins og einhver björn sé merkilegri en 17 júní.

Koss og knús frá okkur í Vennelsa, sem mundum eftir 17 júní:-)

Langt síðan síðast

2008-06-14T17:29:00.004+02:00

Hér er mynd af graslauknum sem hann Aron Snær er að rækta, alveg með ólíkindum hvað hann getur dundað sér við þetta.
Þetta eru einhver blóm, ég er ekki alveg klár á því hvað þau heita.
Hér eru svo gulræturnar hans og einhver blóm. Ég er búin að vera að segja honum að hann verði að grisja gulræturnar, en hann vill það ekki, honum finnst svo flott að sjá hvað þær eru margar:-)

Fleiri blóm, þessi eru sko ekki byrjuð að koma upp, en það verður sjálfsagt ekki langt þangað til:-)

Við fórum í morgun í Plantasjen og keyptum heilan helling af blómum og eina 6 potta, við erum búin að gróðursetja þetta allt og svo þurfti hann að sá sólblómafræjum líka:-) Það er eiginlega skömm að segja frá því, en fyrir 2 vikum fórum við og keyptum fullt af blómum (sjá eldri bloggfærslu) hann sá um að gróðursetja í annað beðið og ég í hitt. Í dag, 14 dögum síðar, lifa blómin sem hann setti niður góðu lífi, eru meira að segja farin að teygja anga sína út um allt. En það sem frúin sá um að setja niður, er allt DAUTT, segi það og skrifa STEINDAUTT. Þannig að hann er með græna fingur en ég ekki, enda hefur mér meira að segja tekist að drepa kaktus.-)

Annars er bara allt gott að frétta hjá okkur, ég var í kúreka partýi í gær og svo fórum við upp til Oggevann og héldum uppi stuðinu á pöbbinum þar:-) Ógeðslega skemmtilegt.

Koss og knús frá þessari sem ætti ekki að koma nálægt blómum:-)

Ókosturinn við að búa hérna

2008-06-09T22:11:00.002+02:00

Helv.... myggbitin, ég er að verða geðveik núna, þegar ég vaknaði í morgun var ég komin með 12 bit, bara eftir nóttina. Furðulegt að þær elski mig svona mikið, eins ég hata þær. Einhverskonar love/hate samband okkar á milli:-)
En hér er mynd af frúnni að grilla, ég grillaði svínarif og hvítlauksmarineraðar svínakótilettur. Rosalega gott, svo bakaði ég kartöflur og hafði heimatilbúna kalda grill sósu með heimaræktuðum graslauk í sem meðlæti:-)
Ég hef grun um að það sé að fara að rigna, sem betur fer, það er allt svo þurrt hérna á suðurlandinu að það er allt logandi í skógareldum:-) Síðasta sólarhring hafa verið slökktir rúmlega 60 skógareldar, þannig að gróðurinn þarf á smá rigningu að halda.
Rosalega dimmt yfir, en samt er 20 stiga hiti hjá okkur og klukkan er að verða 22.30.

Koss og knús frá Maju og liðinu hennar:-)

Fullt af myndum

2008-06-08T09:12:00.005+02:00

Við fórum til Kristiansand í gær, ég var að sjálfsögðu með hana Stellu með mér:-) Tók þessa mynd inni á Glipp, Aron átti sko ekki að vera með á myndinni, en klessan sem hann er þá tróð hann sér inn á myndina.
Lestin mætt á staðinn. Við höfum einu sinni keyrt með lestinni og mér fannst það ekki merkileg upplifun, en við þurftum að prófa.
Hér situr fólk úti hjá Glipp og hefur það notalegt. Það var frábært veður í gær, 24 stiga hiti og brjáluð sól.
Þetta er ekki stytta af Jóni Sigurðssyni, heldur af honum Henrik Wergeland, þannig að það verður mikið um dýrðir hér 17 júní. En ég ætla að muna að setja upp íslenska fánann okkar:-)
Í tilefni 200 ára afmælis hans Henriks er búið að koma upp fullt af listaverkum í Wergelands parken, þetta fannst mér flott, kúluhús sem er fullt af fiðrildum.
Þetta eru svo listaverk eftir börn, það er gaman að þessu. Það var fullt af öðrum verkum þarna, til og með var lúðrasveit að spila.
Ingólfurinn min með húfuna góðu, hann fer sko ekki út fyrir hússins dyr án hennar, alveg sama hversu heitt eða kalt það er.
Hér er svo mynd af mannlífinu á torginu.
Þessi fannst mér vera flottur, skælbrosandi og í góðu skapi, enda ekki annað hægt á svona yndislegum degi. Ég er ekki alveg viss um hvað hann er að selja, en eitthvað er það.

Fullt af ferskum jurtum
og flottum blómum.

Svo keyptum við hjól fyrir Aron í gær, en ég hef greinilega gleymt að taka mynd af því, bæti úr því síðar. Annars er bara allt gott að frétta hjá okkur, núna eru bara 2 vikur eftir af skólanum hjá strákunum og þeir geta ekki beðið. Þessar tvær vikur verða fljótar að líða því það er ekki mikil skólavinna á lokasprettinum, heldur fara þeir í Dyreparken, í bæinn og hjólreiðatúra.

Koss og knús frá okkur í blíðunni í Norge:-)

Litli grillmeistarinn minn:-)

2008-06-06T18:57:00.003+02:00

Í dag var það Aron Snær sem sá um matinn, hann kveikti sjálfur upp í kolagrillinu (honum finnst lyktin svo góð) og svo skellti hann pylsum á það.
Eins gott að fylgjast vel með. Ég er ekki að fatta afhverju hann er í peysu, það er sko 25 stiga hiti í forsælunni, en hann vildi meina að sér væri kalt.
Svo fór ég með hann niður í sentrum og hann keypti sér tjald, ég held að hann kaupi sér tjald á hverju sumri, en mikið var hann ánægður með þetta. Eiginlega er þetta tjald til að taka með sér á ströndina, við sáum svo marga með svona tjöld í Danmörku, ferlega sniðugt. Á morgun ætlum við að kaupa afmælisgjöfina fyrir hann (svoldið snemma í því:-)) en hann fær nýtt hjól frá okkur, Ásgeir fór og athugaði hvað það kostar að gera við gamla hjólið hans og það kostar næstum því 1000 nkr. þannig að við fundum það út að það borgar sig að kaupa bara nýtt fyrir hann.

Hann kom heim í dag eftir ferðina á Krossholmen, það var rosalega skemmtilegt þar, hann fékk að stýra pramma og synda. Hann elskar að vera þar, alltaf jafn spennandi að fá að prófa kajak og prammann, enda segir hann að hann sé með sjóðarablóð (sjóarablóð) rennandi í sínum æðum:-))

Koss og knús frá Maju og liðinu hennar:-)

Hér er grillað

2008-06-05T19:02:00.003+02:00

Þetta var í matinn í gær, það var ekki ég sem grillaði, heldur hann Ásgeir minn. En þetta var alveg rosalega gott.
Þetta er svo það sem við vorum að enda við að borða, ekkert smá djúsí borgarar:-) Og það var ekki ég sem var að grilla.

Koss og knús frá grill gegnginu:-)

Stolt af sjálfri mér:-)

2008-06-03T20:33:00.002+02:00

Búin með námskeiðið, Tegn til tale og ég fékk viðurkenningu fyrir að hafa lokið námskeiðinu:-) Ekkert smá ánægð með sjálfa mig. Hugsa að ég rammi þetta inn og hengi upp á mest áberandi staðnum í húsinu:-) Ég get nú samt ekki sagt að ég sé ferlega góð í þessu "tungu" máli, en ég reyni og það er jú fyrir mestu. En gott að geta státað af þessu, því það getur aldrei verið slæmt að læra eitthvað nýtt.
Hér eru græðlingarnir hans Arons, ég held að þetta séu blóm, ég þekki nefnilega ekki í sundur blóm, arfa eða gulrótarblómin:-) En eitthvað er þetta.
Þetta eru svo stjúpurnar sem við gróðursettum á laugardaginn, eða nokkrar af þeim. Hræðilegt nafn á blómi, stjúpa:-) en við bara gróðursettum þær en jörðuðum þær ekki, hehehehe. En svo er til eitthvað blóm sem heitir tannhvöss tengdamamma, hm, ekki er það nú skárra, enda á ég ekki eitt svoleiðis stykki:-)

Annars er bara allt gott að frétta, það er vorkvöld í skólanum hans Arons á morgun, þannig að ég verð að fara þangað strax eftir vinnu (ég er nefnilega í foreldrafélaginu og við sjáum um þennan viðburð) Svo er hann að fara til Krossholmen á fimmtudaginn með bekknum, þetta verður í þriðja skiptið sem bekkurinn hans fer, svo koma þau heim aftur á föstudaginn. Ferlega skemmtilegt.

Ingólfurinn minn telur dagana þangað til að hann er kominn í sumarfrí, það eru "bara" 14 skóladagar þangað til. Þeir byrja í sumarfríi þann 20 júni og fyrsti skóladagur næsta haust er þann 18 ágúst. Ég verð hins vegar í fríi allan júlí, hlakka ekkert smá mikið til:-) ég ætla að geyma eina viku þangað til að barnabarnið mitt fæðist, en ég veit ekki hvort eða hvenær Ásgeir minn fær frí, en það kemur í ljós.

Koss og knús frá okkur öllum í Vennesla:-)

Gróðursetning og steikjandi hiti

2008-06-01T15:16:00.003+02:00

Langaði bara að sýna ykkur hvað það er heitt á pallinum hjá mér akkurat núna (í sólinni sko) Enda er ég inni að hvíla mig aðeins á hitanum, orðin frekar rauð, eignlega eins og karfi:-) Sem betur fer kemur smá gola af og til, annars væri ólíft þarna úti.
Aron Snær dró mig út í gær fyrir kl 10 til að kaupa blóm. Hann notaði vasapeninginn sinn í blóm og var alveg ferlega ánægður með sjálfan sig. Svo þurftum við að kaupa mold því hann vildi sko skipta um mold í beðunum hjá okkur, það var ekki auðvelt verk, en okkur tókst það. Hann þurfti að saga niður 2 tré, nú kom sögin sem afi gaf honum að góðum notum:-) Svo var hafist handa við að planta blómunum, ég hugsa að við höfum verið í rúma tvo tíma að þessu öllu, en vorum alveg ferlega stolt af okkur þegar við vorum loksins búin.
Þá fann hann það út að hann þyrfti að snyrta aðeins villigróðurinn hjá okkur, þannig að hann fékk lánaða greinaklyppu hjá Ove, ef að ég hefði ekki verið með hefði hann sjálfsagt klyppt niður öll trén í kringum okkur, þetta var svo skemmtilegt sko:-)
Hér er svo afraksturinn af klyppingunni, ég hefði átt að taka svona fyrir og eftir myndir, en ég gleymdi því auðvitað. Hann er búinn að ákveða að safna sér fyrir svona klyppum, enda er þetta verkfæri nauðsynlegt hverjum garðyrkjumanni eða konu:-) Hann er núna hjá Zilas, ætli hann sé ekki að taka garðinn þeirra í gegn:-) Það er byrjað að vaxa það, sem hann sáði fyrir nokkrum dögum, verður spennandi að sjá hvort við fáum gulrætur í ár.

Annars er bara allt gott að frétta hjá okkur, allir hressir og sólbrenndir, nema unglingurinn minn enda er ekki mikil sól inni í herberginu hans:-) Hann nennir sko ekki að taka tölvuna með sér út og þar sem hann getur ekki skilið sig frá henni eru þau bara saman inni í herbergi.

Það fæddust 4 ljónsungar í Dyreparken í gær, þannig að þar ríkir mikil hamingja, þetta er í fyrsta skipti sem það fæðast ljónsungar hér í Norge. Þetta var sko eins og framhaldssaga, fyrstu fréttir sögðu að það væru tveir ungar fæddir, næsta frétt var á þá leið að þeir væru sko þrír. í dag var aðalfyrirsögnin á vg.no að það væru sko ekki 2, ekki 3 heldur 4 ungar komnir í heiminn. Ég ætla að fylgjast með fréttunum í dag, kannski koma ennþá fleiri ungar:-)

Kokss og knús frá Maju sem er eins og karfi í tilefni dagsins:-) Óska öllum sjómönnum til hamingju með daginn

Gott veður

2008-05-30T17:04:00.003+02:00

Það eru sko 26 gráður í forsælu á pallinum hjá mér, yndislegt alveg:-) og það á bara eftir að verða hlýrra næstu daga, þannig að ég hugsa að ég fari með hann Aron á ströndina fljótlega. Hann er samt ekki farinn að lykta.
Hér er svo mynd af því sem hann plantaði á miðvikudaginn, ég tek svo aðra mynd þegar blómin eru byrjuð að spretta, en þetta finnst honum skemmtilegt.

Ég var heima veik í dag, eða ekki veik, en ég var hins vegar með ælupest í gær og þá má ég ekki mæta í vinnu aftur fyrr en ég er búin að vera einkennalaus í 24 tíma. Því miður, en þetta er ný regla í leikskólanum og ég skil vel að þessi regla hafi verið sett. Í haust var svo mikið af börnum í leikskólanum sem voru með hita eða ælupest og svo komu þau aftur daginn eftir, þá smituðu þau hina krakkana og svona gekk þetta endalaust þangað til að við settum þessa 24 tima reglu. Þannig að ég er bara búin að vera að þvo þvott í allan dag á launum, ferlega skemmtilegt:-)

Ég var að lesa bloggið hennar Helgu frænku í Miðengi og það skemmdist ekkert hjá þeim í jarðskjálftanum, sem betur fer. Hef ekki heyrt frá Huldu vinkonu, hún býr í Hveragerði, en ég vona að þau séu ok.

Koss og knús frá Maju og liðinu hennar

Nokkrar myndir

2008-05-28T17:06:00.002+02:00

Föngulegur hópur þarna á ferðinni, þetta eru sem sagt tengdaforeldrar mínir með stráka skarann sinn, sex stykki og geri aðrir betur:-) Fremst á myndinn eru Lúlú, Steingrímur og Jón, bak við þau standa svo þeir Friðlaugur, Unnþór, Andrés, Ólafur og hann Ásgeir minn.
Bara smá sýnishorn af matnum sem var á boðstólum, ég fæ eiginlega bara vatn í munninn við að sjá svona kræsingar.
Af og til er það alveg frábært að hafa einn ofvirkan aðila á heimilinu, garðurinn var orðinn svoldið mikið loðinn og Aron hafði ekkert að gera þannig að þessi elska sló blettinn fyrir mömmu sína, frábært:-) Vil samt taka það fram að bletturinn minn er ekki stór (man eftir að hafa séð mynd af honum Villa mínum með Rúnar Atla á bakinu að slá engið í Stillholtinu:-)) minn garður er eiginlega á stærð við frímerki og ég er ekki að ýkja:-) En drengnum finnst þetta skemmtilegt og mér ekki, þannig að ég var ekkert að banna honum að draga út slátturorfið, sem virkaði ekki (þráðurinn í því var búinn), þannig að hann varð að fá lánaða svona eldgamla slátturvél hjá honum Ove til að klára verkið.
Þegar hann var búinn að slá frímerkið okkar, tók hann sig til og fór að planta, hann sáði fullt af blómafræjum, gulrótum og til að toppe heile driten, gróf hann upp tré (með rótum og alles) og plantaði því í blómapott:-)

Koss og knús frá Maju og liðinu hennar í Vennesla

Útsrkiftarveislur

2008-05-25T19:21:00.002+02:00

Vil byrja á því að óska mágum mínum, þeim Friðlaugi og honum Steingrími (ekki þinn Steingrímur Inga mín:-)) til hamingju með áfangann:-) Set inn myndir af þeim þegar Ásgeir kemur heim með hana Stellu mína.

Annars er bara búið að vera rólegt hjá okkur, að sjálfsögðu var fylgst með Júróinu í gær og Ísland fékk alveg slatta af atkvæðum frá okkur, en ekki dugði það til sigurs. En við tökum þetta á næsta ári, nú eða árið þar á eftir eða..... Okkar dagur mun koma.

Ég er búin að sjá að það er ekki hægt að treysta veðurfræðingum fyrir fimm aura. Ég var búin að hlakka svo mikið til að geta loksins baðað hann Aron, en nei það er búin að vera rigning og kalt í dag, þannig að hann fór bara í sturtu:-)

Guð hvað ég er andlaus eitthvað, nenni ekki einu sinni að segja ykkur lygasögu, þannig að þangað til næst segi ég bara koss og knús til ykkar frá okkur:-)

Grillað

2008-05-21T20:28:00.002+02:00

Jebb, María Dröfn grillaði áðan, ekki pylsur Aron grillaði þær, heldur skellti ég svínahnakkasneiðum á grillið:-) Ég hef hingað til haldið mig við pylsurnar, enda gift kokki og finnst leiðinlegt að elda, en þar sem að kokkurinn er kominn heim til elsku mömmu á Ísó, þá braust grillmeistarinn fram í mér. Ég ætlaði að taka myndir þessu til sönnunar, en mundi þá að hann Ásgeir tók Stellu með sér til Íslands, svo ég sagði Aroni að ná í vídeóvélina, en hún var með tómt batterí. Hvað gera bændur þá, jú Aron vildi að ég geymdi bara eina svínasneiðina þangað til að pabbi hans kæmi heim aftur og þá gæti ég tekið mynd:-) Nei, ég var nú ekki alveg á því, enda ferlega svöng og ekkert rosalega geðslegt að hafa dragúldið svínakjöt í ísskápnum, hann skildi það alveg drengurinn og lofaði þess vegna hátíðlega að hann skildi segja pabba sínum að mamma hefði grillað:-) Algjör snillingur þessi elska.

Ásgeir fór sem sagt í morgun áleiðis til Ísafjarðar, ég talaði við hann áðan og þá var hann að tékka sig inn í flugið vestur. Hann ætlar að hjálpa mömmu sinni með útskriftar veisluna á laugardaginn, svo fer hann á Bob Dylan tónleika á mánudaginn og svo flýgur hann heim á þriðjudaginn.

Annars gengur lífið bara sinn vana gang hjá okkur, skóli og vinna og svoleiðis. En ég heyrði í útvarpinu í morgun að það á að fara að hlýna verulega hjá okkur á næstu dögum og á sunnudaginn á að vera geggjað veður, þá er ég að hugsa um að fara með Aron á Hamresanden (það er strönd sem er í næsta nágrenni við flugvöllinn) og baða. Ég á ekki von á því að unglingurinn minn nenni að fara með okkur, enda engin nettenging þar og sjálfsagt er það ekki gott fyrir tölvuna að vera full af sandi:-)

Aron Snær var sofnaður klukkan 19, ég vona að hann sofi fram á morgun, ég allavega nenni ekki að fara á fætur með honum í nótt. Hann var nefnilega að hjálpa mér í vinnunni í dag, hann var búinn í skólanum kl 12 og kom til mín rétt eftir skóla og við vorum ekki búin að vinna fyrr en korter í fimm. Þá fór hann að grilla pylsur og eftir það var hann bara alveg búinn á því, þessi elska.

Koss og knús frá grillmeistaranum í Vennesla:-)

Tyggjó

2008-05-18T16:57:00.002+02:00

Ég elska Wrigley´s tyggjó, en það er ekki oft sem það fæst í búðunum hérna í Norge, þannig að þið getið bara ímyndað ykkur hamingjuna hjá minni í gær þegar ég sá þessa risa tyggjópakka í sjoppu í Kr. sand í gær. Það eru sko 15 tyggjóplötur í hverjum pakka:-) Þetta er sama sjoppan og Aron plataði afa sinn inn í þegar hann var hér um daginn, það er nefnilega líka hægt að kaupa íslenskt Rís súkkulaði og lakkrísdraum þar.

Annars er bara allt gott að frétta hjá okkur, ég var svo þreytt eftir gærdaginn að ég var farin upp í rúm fyrir kl 11 í gærkvöld og ég svaf til að verða 9 í morgun:-) Ekki amalegt það.

Á morgun og hinn kemur ljósmyndari í leikskólann til að taka myndir af börnunum, það eru teknar myndir af hverri deild fyrir sig, þannig að frúin verður að líta vel út:-) Þoli ekki þetta myndamál á hverju vori, þetta er ferlega mikið stress fyrir okkur sem erum að vinna á deildunum, klæða börnin í fín föt, passa að þau séu hrein í framan, spennur og teygjur í hárið á stelpunum og þar fram eftir götu. Ekki mikið mál ef að það væru ekki 19 börn á hverri deild og við bara 3 að vinna. En á Vuggestua, myndirnar verða teknar þar á þriðjudaginn, eru "bara" 12 börn og við 4 að vinna, en það verður sjálfsagt erfiðara, því börnin eru svo lítil þar og erfitt að útskýra fyrir þeim að sitja kyrr og brosa:-)

Ásgeir fer til Íslands á miðvikudaginn og verður fram á þriðjudag, þannig að ég verð að púsla heimilishaldinu aðeins, þarf að taka Aron með mér í vinnuna þegar ég mæti snemma, Ingólfur verður að hjálpa mér með Aron þegar ég er að vinna lengi og svoleiðis. En sem betur fer er hann Ingólfur minn orðinn svo stór að hann hjálpar aldraðri móður sinni með þetta:-) En sem betur fer þarf ég ekki að fara á neina kvöldfundi næstu vikuna, bara á morgun og þriðjudaginn.

Koss og knús frá Maju

Hipp, hurra for Norge:-)

2008-05-17T19:27:00.005+02:00

Ingólfurinn minn keypti sér þennan flotta hatt í dag, þeir fá sko alltaf pening á 17 mai og mega kaupa sér það sem þeir vilja, auðvitað. Og drengurinn fann það út að þennan hatt þyrfti hann:-)
Varð að setja inn mynd af fánanum, ég bannaði Aroni að flagga þeim íslenska, enda passar það ekki á þessum degi, en þann 17 júní má hann flagga honum:-) Ég vona bara að við munum eftir íslenska þjóðhátíðardeginum, við höfum alltaf gleymt honum, enda er það bara eins og hver annar dagur hér í Noregi, ég ætti kannski að lára gemsann hjálpa mér að muna eftir 17 júní þetta árið:-)
Þetta er tekið á Idrettsplassen, það eru lúðrasveitir og læti,
falleg börn, klædd í sitt fínasta púss,
og bara fullt af lífi.
Þetta keypti Aron sér fyrir sína peninga, hann varð að pósa fyrir mig:-) hann spurði hvort ég ætlaði að setja inn mynd af byssunni hans á netið, að sjálfsögðu ætlaði ég að gera það, þá dró hann mig og Stellu út á pall og hann var lengi að ákveða í hvaða stellingu hann ætti að vera:-) Mér finnst hann líta út eins og hryðjuverkamaður á myndinni, en það var sko það sem hann vildi.

Dagurinn byrjaði snemma hjá okkur, við vorum farin á fætur kl hálf sjö, Ásgeir þurfti að vera mættur í vinnu kl sjö, þannig að ég keyrði honum, svo kom ég heim og gerði strákana klára, Aron setti út flaggið, svo var brunað niður í sentrum með Ingólfinn, hann fór sko í skrúðgöngu en Aron nennti ekki að fara. Þannig að hann fór með mér á Idrettsplassen, þar þurfti ég að græja söluskálann, við seldum mikið af vöfflum, kaffi og ís:-) Þegar ég var búin að vinna þar, fórum við til Kristiansand og sóttum Alexöndru, við röltum aðeins um og strákarnir keyptu sér það sem þeir "þurftu":-) Svo var haldið heim á leið, við mæðgurnar sofnuðum aðeins í sitthvorum sófanum, svo þurfti ég að fara aftur til Kr.sand til að sækja Ásgeir og svo komum við heim og Maja eldaði kvöldmatinn, hakk og spagettí:-)

Koss og knús frá okkur hér í Vennesla.

Upphitun fyrir 17 mai

2008-05-16T16:02:00.004+02:00

Í leikskólanum í dag héldum við upp á 17 mai, það kom lúðrasveit og börnin fóru í skrúðgöngu (tog) um hverfið, seldar voru kökur og pylsur og svo var það rúsínan í pylsuendanum: Krakkarnir gáfu út geisladisk:-) Í allan vetur eru þau búin að semja texta og æfa söng og í dag kom loksins geisladiskurinn út. Það er einn karlmaður að vinna í leikskólanum (en fullt af kvenmönnum:-)) hann er líka trúbador, og hann sér um að kenna krökkunum að syngja, við erum með eigið upptökustúdíó og getum þar af leiðandi tekið upp okkar eigið efni. Og síðustu árin hefur það verið svoleiðis á 17 mai hátíðinni okkar að við höfum líka gefið út geisladisk með þekktum norskum barnagælum. En í ár var það þannig að krakkarnir sömdu sjálf textana og hann Johnny samdi lögin við textana, þetta er bara yndislegt að heyra krakka alveg frá 1 árs og upp í sex ára, syngja eins og þau ættu lífið að leysa. Enda var mikið af foreldrum og ömmum og öfum sem voru að hlusta á þau syngja í dag, með tár á hvörmum:-) Svo sungu allir Ja vi elsker (þjóðsöngur Noregs) Þessi dagur hefur bara verið æðislegur.

En á morgun er 17 mai og María er búin að lofa að standa í söluskála á Idrettsplassen og selja vöfflur og kaffi og nammi, því miður, (veit ekki alveg hvað ég var að hugsa þegar ég sagðist geta það) fyrir svanga krakka og foreldra þeirra. En þegar ég er búin að vinna þar, þá ætla ég og strákarnir mínir til Kristiansand og skoða mannlífið þar og svoleiðis. Ásgeir er sko að vinna, hann þarf að vera mættur kl 7 í fyrramálið og sjálfsagt verður hann að vinna eitthvað frameftir.

En koss og knús frá Maju, sem er búin að eiga alveg yndislegan dag í dag:-) Vona að ykkar föstudagur hafi verið eins góður og minn.

Að vera Íslendingur búsettur í Noregi

2008-05-15T20:47:00.002+02:00

Er yfirleitt auðvelt, nema þegar Aron þarf að gera heimavinnuna sína þessa dagana. Þessi vika er eiginlega bara um það að vera Norðmaður (þjóðhátíaðardagur Norðmanna er á laugardaginn) og hann þarf að skrifa um það; hvað þýðir það fyrir þig að vera norskur!!! Við eigum, eða hann, svoldið erfitt með að tjá okkur um það. En hann fann það út hvað það er að að vera norskur, þá vaknar maður snemma á 17 mai, flaggar, fer í tog, borðar mikið af ís, pylsum og drekkur mikið af gosi. Bjánalegt samt að hann hafi þurft að tjá sig um það hvað að vera norskur, þegar hann er svo stoltur af því að vera Íslendingur. Spyr hann aftur 17 júní, um hvað það þýði fyrir hann að vera Íslendingur:-)

Koss og knús frá okkur í Vennesla

Aflafréttir og myndir.-)

2008-05-14T17:42:00.002+02:00

Hér er mynd af litlu ömmustelpunni minni:-) Þetta er andlitið hennar í prófíl, auðvitað er þetta fallegasta barn sem um getur (fyrir utan mín þrjú:-)) Það er svo gaman að þessu.

Það var stoltur veiðimaður sem kom heim í gær eftir veiðitúrinn, drengurinn veiddi nefnilega einn fisk:-) Ásgeir segir að þetta hafi verið steinbítur, ég trú honum alveg. En því miður missti Aron einn af spúnunum sínum, en það kom ekki að sök, enda á drengurinn fullt af þeim:-) Fiskurinn er í frystikistunni, ég á ekki von á því að hann verði borðaður, enda var hann ekki stór, en veiddur fiskur er jú veiddur fiskur:-) Aron og Ingólfur tala ennþá um það þegar þeir voru hjá ömmu og afa á Ísó hér um árið (held að það hafi verið 2004) þeir fóru með afa sínum á sjóinn, ekki í veiðferð, heldur þurfti afi að færa bátinn (skipið?) í aðra höfn, þetta fannst þeim sko gaman. Svo um daginn er Aron að tala um þessa ferð við mig, ég spyr hvort þeir bræður hafi orðið sjóveikir (minnug ælukeppninnar í fyrra á Danskabátnum) Nei veistu mamma ég get ekki orðið sjóveikur (hann greinilega búinn að gleyma ferðinni í fyrra) ég er nefnilega með sjóðarablóð (hans eigin orð) í blóðinu:-)

Ingólfur var valinn, annað árið í röð, til að keppa í Tine stafetten, einhver hlaupakeppni sem verður haldin seinna í vor í Kristiansand. Sprækur eins og mamma sín, þessi elska:-)

Hún Gulla systir er í þessum skrifuðu orðum að labba út úr flugvél á Keflavíkurvellinum, komin heim á elsku Klakan sinn:-) Hún ætlar að vera þar í 5 vikur, Dagmar verður 20 ára þann 4 júní, þannig að auðvitað vill Gulla vera með henni þá:-) Svo ætla þær mæðgur á Laddi sextugur. Ég vona að hann komi út á DVD, dauðlangar að sjá hann sko, en ég á ekki von á því að hann komi hingað til Vennesla til að skemmta mér:-) en ef hann vill er hann velkominn.

Koss og knús frá okkur hér í Vennesla

Frábær dagur:-)

2008-05-13T17:39:00.003+02:00

Ákvað að setja inn mynd af henni Helgu Sig. ég gerði sem sagt kakósúpu í gær, hún tókst svona asskoti vel að ég varð að gera hana tvisvar:-) Enda klikkar hún Helga Sig. aldrei. Drengirnir voru afskaplega ánægðir með kvöldmatinn, sem betur fer.

Ég var mætt í vinnu í morgun kl 6.45, frekar illa sofin því ég vaknaði í nótt um fjögurleytið og mundi eftir því að ég hafði gleymt að panta 300 pylsubrauð fyrir 17 mai veisluna í leikskólanum sem verður haldin á föstudaginn. Ég svitnaði og hjartað sló eins og geðsjúklingur og ég gat ekki sofnað aftur:-( En ég er búin að panta brauðin, þannig að ég vona að ég sofi vel í nótt:-) Svo fórum við með leikskólabörnin í bæjarferð, keyptum rúnstykki og fiskekaker og borðuðum í sentrum, voðalega gaman að gera eitthvað svona:-) En mikið djö.... var erfitt að labba til baka í leikskólann með tvíburakerru og upp brekkuna, en það hafðist.

Ingólfur kom heim í morgun, eftir bara þrjá tíma í skólanum, hann og hinir krakkarnir í ungdomsskolen voru á leiðinni niður í sentrum í löngufrímínútunum og russen beið eftir þeim með vatnsbyssur og drengurinn varð rennandi blautur þannig að hann varð að fara heim. Russ eru þeir krakkar sem eru að fara að útskrifast úr menntaskóla núna í vor, þau eru klædd í mismunandi litaðar buxur, eftir því af hvaða braut þau útskrifast (rauðar, grænar, bláar og svartar) og þau eru endalaust sprautandi vatni á krakkana í ungdomsskolen. Ég tek myndir á 17 mai til að sýna ykkur, þau keyra um á bílum sem eru skreyttir, þau skrifa eitthvað mis gáfulegt á bílana og eru bara eiginlega með læti:-) Ekki ósvipað krökkunum á Íslandi sem eru að dimmitera, en hér stendur þetta umsátur yfir í einhverjar vikur.

Ég og Aron vorum búin að ákveða að hittast í sentrum í dag kl 2 til að kaupa blóm, en þá hringdi Zilas til að bjóða Aroni með á fiskiveiðar, þannig að við keyptum engin blóm, en hann keypti sér einhverja fiskiöngla í staðin. Hann er ekki kominn heim drengurinn, þannig að ég býð spent eftir aflafréttum, læt ykkur vita seinna hvernig gekk hjá þeim félögunum.

Koss og knús frá Maju

Aron blómálfur:-)

2008-05-12T16:02:00.004+02:00

Aron var hjá Ove, nágrannanum okkar í gær, og kom heim með túlipana:-) Hann fékk sko leifi til að týna þá því Ulla kærastan hans Ove er með ofnæmi fyrir túlipönum. Þannig að ég lít á þetta sem mæðradagsgjöf, en í Norge er mæðradagurinn að mig minnir í mars, en ekki í maí eins og á Íslandi.
Svo kom hann heim með graslauk áðan, Ove og Ulla voru með svo mikið af lauk. Þannig að núna er hann búinn að plata mig til að fara með honum í sentrum á morgun til að kaupa blóm svo hann geti plantað þeim hérna heima. Enda er það bara gott, því við verðum að vera búin að setja niður einhver blóm fyrir 17 maí.

Ég er búin að strauja fjallið mitt, það tók ekki nema 2 tíma:-) Svo tók ég til í fataskápnum hans Arons, það var svo mikið af fötum sem eru orðin of lítil á hann. Verst að það er enginn í fjölskyldunni sem getur erft fötin, svo að ég annað hvort hendi þeim eða fer með þau í bruktbutikken.

Annars er allt gott að frétta, það er að vísu búið að vera kalt hjá okkur í dag, kannski 15 gráður, en það er svo mikill vindur, þannig að ég er ekki búin að vera neitt úti á palli. Svo er helv.... myggen kominn, ég er sko með myggbit á lærinu og þeim á eftir að fjölga í sumar, því miður:-(

Ég ætla að gera kakósúpu í kvöldmatinn, Aron er búinn að vera að byðja um hana í marga daga, vona bara að ég kunni að gera svona súpu, nú ef ekki þá er bara að kíkja í hana Helgu Sig. það er örugglega uppskrift af súpunni í henni:-)

Koss og knús frá okkur hér í Vennesla.

Get eiginlega ekki þagað lengur:-)

2008-05-11T18:07:00.002+02:00

En Alexandra og Ckristoffer fóru í 19 vikna sónar síðasta mánudag og þau fengu að vita kynið á barninu. Og þau eiga von á STELPU:-) Ljósmóðirin sem tók myndirnar sagðist vera 99.99% viss um að það er stelpa á leiðinni. Eiginlega vorum við öll viss um að það kæmi strákur, enda er það venjan í þessari fjölskyldu. Og svo til að kóróna allt, þá má ég vera viðstödd fæðinguna:-) Ég er ekkert smá ánægð með það. Þannig að nú er kominn tími á að prjóna eitthvað bleikt:-)

Annars er bara allt gott að frétta, Aron og Zilas eru búnir að vera hér í dag, þeir eru búnir að fara tvisvar upp á Tjønna til að synda. Ekki er ég að fatta þetta með þessa krakka, að geta synt í ísköldu vatni, ég held að vatnið sé svona um 16 gráðu heitt, það verður sko heitara í sumar, en samt. En sem betur fer á hann Aron Snær alla vegana 10 sundbuxur, sem er eins gott því hann þarf alltaf að hafa hreinar í hvert skipti sem hann fer að synda. Þegar líður á sumarið geta sundferðirnar orðið 4 á hverjum degi, þannig að það verða margar buxur og mörg handklæði sem þarf að þvo:-) Verst er allur helv.... sandurinn sem hann kemur með heim eftir þessar sundferðir sínar.

Ingólfur er hjá Stian, hann tekur sko tölvuna sína með sér þangað. Ég fékk samt að prófa gripinn í morgun, Ingólfur var sofandi, djö.. hvað mig langar í svona græju, enda ætla ég bráðum að fjárfesta mér í einum slíkum, ég veit að Aron býður eftir því, hann fær þá þessa tölvu sem ég er í núna til eignar.

Koss og knús frá Maju og genginu hennar.-)

Hér er svo maturinn

2008-05-10T19:35:00.003+02:00

Steikin komin á grillið
Og svona sá maturinnn út þegar hann var kominn á diskinn:-)
Bara til að minna ykkur á að bera á ykkur sólarkrem, svona leit ég út eftir mánudaginn, ég mundi eftir að bera krem á mig í andlitið, á bringuna og á hendurnar, en ég gleymdi að bera krem á bakið á mér. Þetta var ekki gott.

Koss og knús rfá okkur hér í Norge

Sumarið er komið:-)

2008-05-10T15:58:00.002+02:00

Hér er búið að vera geggjað veður alla vikuna, hitinn hefur ekki farið undir 20 gráður á daginn, ég tók þessa mynd af morillu trénu mínu fyrr í vikunni, það er sko byrjað að blómstra og gera sig klárt fyrir að bera ávöxt í sumar:-)
Aron var að slá garðinn fyrir mig, ber að ofan og ferlega flottur þessi elska:-) Ekki amalegt að hafa svona gæja til að hjálpa sér. Ég verð að viðurkenna að ég hef ekki séð mikið af honum Ingólfi mínum síðan hann fékk tölvuna, hann er sko inni í herberginu sínu allan daginn að spila WOW, en núna er hann hjá Stian, ég sagði við hann þegar hann fór að það gleddi mitt gamla mömmuhjarta að sjá hann loksins fara út:-)
Svona lítur tréið mitt út í þessum töluðu orðum (skrifðuðu) það koma fleiri blóm á hverjum degi. Ég er búin að liggja í sólbaði síðan snemma í morgun og núna er ég bara aðeins að hvíla mig á sólinni. Hitinn á pallinum er í 40 gráðum núna, í sólinni, þannig að það er eiginlega ólíft þar úti. Svo er ég búin að vera að þvo þvott í allan dag, hann þornar á snúrunum á meðan vélin er að þvo næsta hlass. Ég hefði kannski átt að taka mynd af fatafjallinu sem býður eftir að ég strauji það, en það er nó vei að ég nenni því núna:-) Á morgun segir sá lati og Maja tekur undir með honum:-)
Hér er svo hann Ásgeir minn, hann var að vinna í dag, en um leið og hann kom heim settist hann út og fór að ráða krossgátur (í boði Jóns:-)) Aron er hjá Zilas og ætlað að gista hjá honum, þannig að það verður rólegt hjá okkur í kvöld. Ég er að hugsa um að horfa á hann Indiana Jones og hafa gaman af. Ásgeir ætlar að grilla kálfakjöt og gera alvöru bearniessósu fyrir okkur, ummmm. Getur lífið verið eitthvað betra en þetta: brjáluð sól, þvotturinn þornan eins og skot, gott á grillið, kaldur bjór og Villi Vill syngur undir þessu öllu saman:-) Eigið þið góðan dag öllsömul.

Koss og knús frá Maju og liðinu hennar:-)

Myndir

2008-05-04T16:01:00.002+02:00

Þetta er hillan sem hann Aron Snær fékk frá ömmu sinni og afa, ekkert smá flott og hann var sko ánægður með það að fá gjöf líka:-) Ég gleymdi að taka mynd af myndinni sem hún Alexandra fékk frá þeim, en hún er ferlega flott (myndin sko:-))
Hér er svo besti vinur hans Ingólfs, ég ætlaði líka að taka mynd af peningunum sem hann fékk, en drengurinn er hjá honum Stian og tók alla peningana með sér:-) hann fékk sko íslenska, norska og danska peninga:-) Íslensku peningarnir fóru inn á sparireikning sem amma hans stofnaði fyrir hann á Íslandi fyrir mörgum árum síðan, mjög sniðugt að leggja þá þar inn, hann getur svo tekið peninginn út þegar hann verður 18 ára. Svo gleymdi ég að segja að amma og afi gáfu báðum strákunum nýjar sængur og kodda.
Og hér eru svo krossgátublöðin sem Jón gaf okkur, við erum sko forfallnir krossgátusjúklingar á þessu heimilinu:-) Svo fengum við harðfisk, nammi, KAFFI og nýja DVD mynd sem heitir svo mikið sem Pressa. Ása og Finn komu með KAFFI og pínkulitlar rauðbeður fyrir okkur hjónin. Þannig að frúin á sko kaffi og er ekkert smá ánægð með það:-)

Koss og knús frá okkur í Vennesla:-)

Jæja þá er stóri dagurinn liðinn:-)

2008-05-04T13:12:00.002+02:00

Hér er fermingardrengurinn búinn að fá viðurkenninguna og þar með kominn í fulloðinnamanna tölu:-) Þessi borgaralega athöfn var bara flott, krakkarnir löbbuðu inn undir dynjandi lófataki og músikk, svo voru haldnar ræður og krakkarnir fengu viðurkenningu, rós og handofinn trefil sem krakkar í flóttamannabúðum í Burma höfðu ofið, svo var sungið og loks gengu krakkarnir út við mikil fagnaðarlæti:-)
Hér eru þeir feðgar
og við mæðginin
Ingólfurinn minn að opna gjafirnar sínar, það kom sko slatti af peningum upp úr umslögum, hann fékk auðvitað tölvuna frá okkur, frá Möggu og Binna og börnum fékk hann tösku undir tölvuna og inn í henni leyndist 500 kall:-)
Þetta er svo gjöfin frá ömmu og afa, hann fékk sko nýtt rúm, náttborð og svo hafði amma saumað rúmteppi fyrir hann.

Drengurinn var óskaplega ánægður með allt og hann sendir ykkur kærar þakkir fyrir að hafa hugsað til hans á þessum merkisdegi, við foreldrarnir þökkum ykkur líka.

Í morgun var farið á fætur kl. 6 því Lúlú og Jón og strákarnir þurfu að mæta svo ferlega snemma á flugvellinum. Svo þurfti Ásgeir að keyra Ásu og Finn inn í Kristiansand svo að þau gætu tekið bátinn yfir til Danmerkur. Svo fylltist húsið hjá mér áðan af vinum hans Arons, þeir voru 4 hér inni í stofu hjá mér að spila borðtennis:-) Og allt var sko tekið upp á vídeó, ég held að þeir hafi verið með einhverja keppni og svoleiðs þarf auðvitað að festa á filmu. En svo eru þeir núna hér fyrir utan að leika sér með glerkúlur. Og hvað haldið þið að hann Ingólfur sé að gera? Jú hann er að spila í tölvunni sinni:-)

Koss og knús frá Maju, Ásgeir, Ingólfi og Aroni Snæ:-)

Íslenski fáninn kominn upp:-)

2008-04-30T21:35:00.003+02:00

Hér er hann kominn upp, ég hef einhvern grun um að þjóðarstoltið hafi stigið aðeins hjá okkur við það að sjá fánann við hún:-) enda er hann bara flottur.
Hér er svo smá sýnishorn af diskunum sem hún Lúlú gerði fyrir okkur, hún er sko bara snillingur þessi kona. Við ætlum að nota diskana í fermingunni á laugardaginn. Við fórum til Kristiansand í dag, Aron og Jón fóru í klippingu, en fermingardrengurinn vildi ekki láta klippa sig, svo keyptum við servíettur og kerti og smá skraut á matarborðið.
Hér er svo ein mynd af mér, ég hef ekki verið mikið fyrir að sýna myndir af mér hér inni á blogginu, en hann Aron minn tók þessa mynd af mér á flugvellinum þegar við vorum að býða eftir Lúlú og Jóni og Steingrími og hann vildi endilega að ég setti hana inn.
Hér er svo mynd af Ingólfinum mínum, Lúlú, Jóni og honum Aroni, við vorum að borða Taco (ég eldaði sko:-))
Þetta er hann Aron minn, ég hefði kannski átt að taka mynd af honum í dag, svona ný klipptum og flottum, en hann er alltaf flottur þessi elska. Hann ætlar að gista hjá ömmu og afa í nótt (þau leigja hús hér í Vennesla á meðan þau eru hjá okkur) og hann hlakkaði ekkert smá mikið til, það er sko ekki oft sem hann getur sofið hjá þeim, þannig að þetta var spennandi. Og svo er baðkar í húsinu hjá þeim, við erum bara með sturtu, og gæjinn ætlaði sko að fara í bað:-)

Koss og knús frá okkur öllum:-)

Smá fréttir af okkur

2008-04-28T09:29:00.002+02:00

Ég er búin að vera einstaklega löt við að skrifa blogg síðustu vikuna, ég hef bara verið að vinna svo mikið og verið þreytt á kvöldin, þannig að bloggið hefur setið aðeins á hakanum, en núna skal ég reyna að bæta úr því:-) Ég fór með leikskólanum tvisvar sinnum í Dyreparken í síðustu viku, það var skemmtilegt í fyrra skiptið, en ekki alveg jafn gaman í annað skiptið. En börnin skemmtu sér og það er jú fyrir mestu. Þetta er mynd af uppáhaldsdýrinu mínu, ég elska gíraffa, ferlega furðulegar skepnur, en fallegar.
Þetta er sko ekki eitt af mínum uppáhöldum, ég hata slöngur en varð að taka mynd af henni þessari, ég veit ekki hvaða tegund þetta er, en stór og ógeðsleg er hún.
Þetta eru flottir fuglar, enda eru þeir bleikir:-)
Það eru sko komin ljón í Dyreparken, 4 stykki hvorki meira né minna.
Og fyrir þá sem ekki vita, þá bíta ljón!! Það eru svona skilti í kringum allt búrið sem þau eru í, eins og einhver fari að reyna að klappa þeim:-) En maður veit jú aldrei, þannig að allur er varinn góður.

Lúlú og Jón og hann Steingrímur komu í gær, voðalega gott að sjá þau. Því miður virðist veðrið ekki ætla að leika við okkur þessa vikuna, hér er rigning og þoka og svoleiðis á það að vera fram á föstudag. En það er ekki mikið sem ég get gert við því. Friðlaugur kemur á fimmtudaginn og Ása, Finn og Simon koma á föstudaginn. Ég og Ásgeir erum komin í vikufrí, en strákarnir þurfa að vera í skólanum í dag, morgun og á miðvikudaginn, þeir eru svoldið fúlir yfir því, en svona er lífið:-) Hún tengdamamma mín kom með matardiska sem hún bjó til fyrir okkur, þeir eru alveg ferlega flottir, tek mynd á eftir og set inn til að sýna ykkur. Þau voru varla komin út úr flugvélinni þegar Aron Snær vildi vita hvort að þau hefðu ekki alveg örugglega tekið með sér íslenskt nammi!! Þeir bræður eru nefnilega búnir að tala um nammi í nokkrar vikur, en eins og ömmunni er einni lagið tók hún að sjálfsögðu með sér gotterí:-)

Koss og knús frá Maju og liðinu hennar:-)

Bæjarferð

2008-04-19T17:51:00.002+02:00

Þegar það er komið vatn í gosbunninn er komið vor í Kristiansand:-) Þessi gosbrunnur er alveg roslaga flottur, á veturnar hann fullur af logandi kertum og á sumrin er hann fullur af vatni.
Mig langaði bara til að sýna ykkur myndir af lífinu í bænum, það var sko fullt af fólki í dag, enda var veðrið alveg yndislegt, sól og blíða. Þetta var fyrsti dagurinn árið 2008 sem hægt var að vera úti án þess að vera í jakka, ég vona að þetta verði ekki sá síðasti:-)
Ég vona að þessum sé sama þó svo að mynd af þeim hafi endað á blogginu mínu.
Hér er svo ein mynd af henni Alexöndru minni, þetta varð sko fjölskylduleiðangur hjá okkur í dag, nema hann Ásgeir minn var ekki með, hann varð að vinna til kl 4. En við settum okkur úti hjá Glipp og fengum okkur kaffi og íste á meðan við biðum eftir honum.
Við keyptum jakkaföt fyrir Ingólfinn minn í dag, það var sko ástæðan fyrir því að við fórum í bæinn. Hann valdi sér svört föt, eiginlega vildi hann hafa svarta skyrtu og svart bindi líka, en sem betur fer fengum við hann ofan af því. Þannig að hann verður í grárri skyrtu og með bleikt bindi og bleikan vasaklút í vasanum:-) Þetta eru bara alveg ferlga flott föt sem við keyptum, en ég fékk hins vegar væga heilablæðingu þegar ég borgaði fyrir herlegheitin, 1900 nkr. en sem betur fer er Ásgeir meðlimur í Dressman klúbbnum svo að ég þurfti bara að borga 1550. En á meðan drengurinn er ánægður þá er ég ánægð. Ég keypti mér eitt pils og einn bol í dag, en ég er ekki búin að finna föt á mig fyrir ferminguna, verð að fara að gera það. Svo keypti ég skó á hann Aron minn og tuniku á hana Alexöndru, en hann Ásgeir minn fékk ekkert:-) En þetta var bara alveg yndislegur dagur hjá okkur í dag, en ég hefði kannski átt að smyrja okkur með sólarvörn áður en við fórum út þar sem það var sko steikjandi sól, man það bara næst.-)

Koss og knús frá okkur öllum hér í sólinni:-)

Að vera fatlaður

2008-04-16T18:10:00.002+02:00

er ekki auðvelt og ég vissi ekki einu sinni að hann Aron Snær væri það. Ég var sem sagt á fundi í dag hjá ABUP og ég talaði við konuna sem er yfirlæknir þar. Hún notar þetta orð yfir börn eins og hann Aron, því það að vera með ADHD og tourett er að vera fatlaður, en það er enginn sem getur séð það á honum að hann sé það. Ég fæ alltaf tár í augun þegar hún segir þetta, því ég hef aldrei litið á hann sem fatlaðan. Nema kannski út af fætinum á honum (hann var fæddur með klumbufót) það er í mínum augum að vera fatlaður, en ekki það að vera með Tourett og ADHD. En hún segir að skilgreininign á fötluðum einstaklingum sé sú, að stundum getur þú séð fötlunina á þeim og stundum ekki, en það er ekki þar með sagt að fötlunin sé ekki til staðar. En það er alveg ferlega gott að tala við þessa konu, ég má alveg segja að ég sé þreytt á Aroni, að ég væri alveg til í að hann þyrfti ekki að gera heimavinnu (það tekur langan tíma að fá hann til að setjast niður og byrja) eiginlega má ég segja það sem mér finnst um hann og fötlunina hans, án þess að hún dæmi mig. Enda er ekki auðvelt að eiga svona barn, en við elskum hann alveg ferlega mikið:-)

Annars er bara allt gott að frétta hjá okkur, við erum búin að kaupa ferðatölvu fyrir Ingólfinn minn í fermingargjöf, það var sko það sem hann vildi fá. Annars vill hann bara fá pening í fermingargjöf, ekki spyrja mig hvað hann ætlað að eyða honum í, en sjálfsagt eitthvað viturlegt;-) ef ég þekki kauða rétt.

Koss og knús frá okkur hér í Vennesla

Það þarf ekki mikið til að gleðja mig:-)

2008-04-13T18:13:00.002+02:00

En mikið gladdi þetta mig, ég sá sko í botninn á óhreinatauskörfunni áðan:-) Og það er sko langt síðan síðast. Þetta var svo merkilegur atburður að ég varð að taka mynd og setja inn hér.

Annars er bara allt gott að frétta hjá okkur, en það er sko búið að vera ömurlegt veður hjá okkur um helgina, rigning og haglél, takk fyrir. Fékk sms áðan frá henni systur minni í Afríkunni og þau eru sko búin að kveikja upp í grillinu og eru að fara að grilla eitthvað ferlega gott, ég hins vegar bíð eftir sumrinu hjá okkur svo að Ásgeir geti farið að grilla á tryllitækinu okkar:-)

Við erum búin að finna fermingargjöfina fyrir fermingardrenginn, svo ætla ég að fara með krakkana í bæinn á föstudaginn eða laugardaginn og kaupa föt á þau. Það verða jú allir að vera í sínu fínasta pússi á svona merkisdegi:-)

Síminn er kominn í lag, loksins, loksins, segi ég nú bara, það var einhver bilun eða eitthvað á símalínunni hjá okkur svo við gátum ekki notað heimasímann, en netið hefur alveg virkað. En núna er það sem sagt komið í lag:-)

Koss og knús frá Maju, sem á tóma óhreinatauskörfu (í dag að minnsta kosti)

Svo sem ekkert að frétta

2008-04-09T19:53:00.002+02:00

Jæja, það er nú svo sem ekki mikið að frétta hjá okkur í Vennesla þessa dagana. Ég er byrjuð að vinna aftur á fullu:-) loksins, en mikið rosalega er ég þreytt eftir daginn, eiginlega er ég bara örmagna. Á morgun er ég svo að fara á kurs í Skal-skal ikke, þetta er síðasti kursdagurinn og ég vona að eitthvað af því sem ég hef lært eigi eftir að nýtast mér í vinnunni minni, eins gott eiginlega að það geri það því þetta er víst rándýrt námskeið:-) En ég þarf ekki að borga það sjálf.

Ásgeir er að fara til Íslands þann 21 maí, til að hjálpa mömmu sinni með útsriftarveisluna, hann kemur heim aftur þann 27. Mikið svakalega er dýrt að fljúga til Íslands, farið fyrir hann kostar 4500 nkr. sem er mikið. Þetta var sko það ódýrasta sem við fundum. Aron og Ingólfur vilja báðir fara með honum, en það verður ekki að þessu sinni.

Ingólfur eldaði matinn á heimilinu í gær, hann átti sko að gera það, þetta var heimalærdómurinn hans í heimilisfræði. Hann eldaði norskar kjøttkaker með sósu og í eftirrétt bakaði hann Ekta franska súkkulaði köku. Rosalega gott hjá honum, Ásgeir ætlaði sko að hjálpa honum með þetta en það fékk hann ekki. Ingólfur átti að gera þetta allt sjálfur og svo átti hann líka að ganga frá eftir sig:-) sem hann að sjálfsögðu gerði (en hann óskaði þess að við værum með uppþvottavél svo hann þyrfti ekki að vaska upp). Ég gleymdi að taka mynd af þessu hjá honum, en hann var mjög vígalegur í eldhúsinu, þessi elska.

Annars er bara allt gott að fréta af okkur, ég er ennþá frekar mikið kvefuð og held vöku fyrir honum Ásgeir mínum á nóttunni (ekki viljandi þó) með því að hósta alveg út í eitt.

Koss og knús frá Maju og genginu hennar:-)

Myndir

2008-04-04T21:58:00.003+02:00

Ég fór áðan að sækja hann Ásgeir minn í vinnuna, en ég þurfti sko að labba niður í sentrum til að sækja bílinn og auðvitað tók ég hana Stellu (bleiku myndavélina mína sko) með mér og ákvað að taka mynd af leikskólanum sem ég er að vinna í, hann heitir Snømyrabarnehage. Það tekur mig nákvæmlega 4 mín. og 36 sek. að labba í vinnuna mína, já ég hef sko tekið tímann:-)
Þetta er mynd af Vuggestua, það er sko sér deild fyrir litlu börnin, ég er að vinna þar líka:-)
Þetta er kallað kæru vinir að sjá ekki í skóginn fyrir trjám:-) og þarna lengst niðri á myndinni er Vennesla sentrum.
Þetta er Dómkirkjan í Kristiansand, alveg ferlega falleg kirkja. Ásgeir er að vinna á veitingastað sem er við hliðina á kirkjunni. Mig alveg dauðlangaði til að taka mynd inni á Glipp (veitingastaðurinn sem Ásgeir er að vinna á) því það er nýbúið að gera allt upp þar inni, en ég kunni ekki við það. Ég hefði örugglega litið út eins og japanskur túristi með bleika myndavél á lofti. Og á meðan ég var að þessu öllu, þá vildi svo vel til, eða réttara sagt svo illa til, að hann Aron minn var með gemsann minn, hann var að horfa á þátt í sjónvarpinu sem heitir Norske talenter og hann gerði sér lítið fyrir og kaus einhverja stráka áfram í þættinum, ekki bara einu sinni og ekki tvisvar heldur fimm, já ég endurtek fimm sinnum!! Tek það fram að þessir strákar eru ekki lengur með í þættinum:-)

Koss og knús frá Maju

Kvef dauðans:-)

2008-04-04T12:05:00.002+02:00

Ég er orðin ekkert smá kvefuð núna, en ég vona að ég verði orðin hressari á mánudaginn því ég er að fara að vinna :-) Loksins, loksins. Að vísu var ég að vinna í gær, en það var starfsdagur í leikskólanum, yndislegt að komast út og gera eitthvað. En á mánudaginn á ég líka að fara í eftirskoðun hjá lækninum, bara til að tékka hvort það sé ekki allt í lagi með mig, eða brjóstið á mér:-)

Aron Snær er på tur með bekknum sínum, þau eru einhverstaðar í skóginum, að grilla pylsur og leika sér. Hann elskar svona tur, og hann elskar pylsur (alveg eins og pabbi sinn:-)) Ingólfur er auðvitað í skólanum, hann er búinn að vera að gera verkefni með tveimur öðrum strákum um Adolf Hitler og seinni heimstyrjöldina. Svo í dag áttu þeir að kynna verkefnið, ég vona að þetta hafi gengið vel hjá þeim. Bekkurinn hans er að fara þann 7 sept. til Póllands og skoða útrýmingarbúðir Nazista þar, þess vegna eru þau með svona verkefni. Þetta er samskonar ferð og Alexandra Þöll fór í hér um árið, allir 10 bekkingar í Norge fara í svona ferð, mjög sniðugt. Ásgeir minn er auðvitað að vinna, en ekki hvað og ég bara hangi í tölvunni:-)

Alexandra fer í sónar 5 maí og þá ætla þau að fá að vita hvort kynið barnið er, Ásgeir er alveg viss um að þetta sé strákur, en við mæðgurnar erum að vonast eftir stelpu:-) Annars er hún bara búin að vera mjög hraust, engin morgunógleði eða neitt. En hún er með rhesus -, þannig að þegar barnið er fætt verða þær báðar (eða þau bæði) að fá einhverjar sprautur út af þessu. Áætlaður fæðingar dagur barnsins er samkvæmt ljósmóður 22 sept, en ég er viss um að ég fæ barnið í afmælisgjöf þann 27 sept:-) En kannski er Alexandra sniðug og fær það sjálf í afmælisgjöf þann 4 okt. verður spennandi að sjá.

Bara svona svo að þið vitið þá er búið að færa klukkuna hjá okkur fram um einn tíma, þannig að núna erum við tveimur tímum á undan ykkur á Íslandi.

Koss og knús frá Maju og co

Ný email adresse

2008-04-02T14:06:00.002+02:00

Ég gat ekki loggað mig inn á gamla emailið mitt, svo ég varð að búa til nýtt, það nýja er : mariaerlendsdottir@hotmail.com. Þannig að nú bara vona ég að þið öll addið mér inn á ykkar email.

Koss og knús frá Maju

Aprílgabb

2008-04-02T13:27:00.002+02:00

Í gær var auglýsing í sjónvarpinu (hún var sko á öllum stöðvum og var sýnd í hverju auglýsingarhléi) um að norskir vísindamenn hefðu fundið upp aðferð til að fanga upp orku úti í himingeymnum. Öll orkan sem leysist úr læðingi þegar einhver stjarna springur átti sem sagt að vera hægt að fanga í þartilgert apparat. Ég var bara alveg að kaupa þessa hugmynd, eins og meginþorri norsku þjóðarinnar, en svo kom það upp úr kafinu í dag að þetta var bara aprílgabb. Stundum er fattarinn í manni ekki alveg í sambandi. En eitthvað hefur þetta gabb kostað.

Tengdamamma mín og hann Steingrímur mágur minn áttu afmæli í gær, ætla ekkert að gefa upp hversu gömul þau eru orðin:-)

Koss og knús frá Maju

Kurs og ýmislegt annað

2008-03-31T19:35:00.003+02:00

Ég var að koma heim eftir Tegn til tale kurs, ferlega gaman að læra eitthvað nýtt, en ég fann það út að maður getur sko orðið þreyttur í höndunum af að tala:-) Þetta er mynd af nýju lagi sem við vorum að læra í dag, ekki mjög auðvelt lag, en börnunum finnst svo gaman þegar við syngjum lög og notum tákn.
Hér er svo mynd af honum Aroni Snæ, hann er með heilar 40 krónur í augunum og ekkert smá skítugur í kringum munninn, hann var að borða pizzu þessi elska:-)
Ákvað að setja inn mynd af okkur hjónunum sem var tekin þegar við giftum okkur (1994) Ég er búin að sjá það að ég er ekkert smá vel gift, Ásgeir minn er búinn að sjá um allt heimilið eftir að ég var skorin, ég hef ekki þurft að gera neitt. Svo hefur hann jú þurft að vinna líka og til að kóróna allt þá fékk hann hálsbólgu og er bara búinn að vera slappur. En ég hef haft það eins og prinsessa, eina sem hann vill ekki gera fyrir mig er að fara út og reykja, það er mikið sem er lagt á mig:-)

Aron er að horfa á Næturvaktina, djö.... hvað ég get alltaf hlegið jafn mikið af þessu rugli, hlakka mikið til að sjá Dagvaktina þegar hún kemur út.

Koss og knús frá Maju og liðinu hennar.

Aðgerð og mynd af ömmubarninu

2008-03-27T09:34:00.003+01:00

Hér er fyrsta myndin af ömmubarninu mínu:-) Pínkulítið kríli, en það á nú eftir að stækka.

Ég er bara furðuhress eftir aðgerðina, að vísu er ég þokkalega bólgin og marin, en það á eftir að jafna sig. Ég var komin heim klukkutíma eftir að ég vaknaði, fór með Ásgeiri að versla og var bara í góðu formi, en í gær var ég ekki alveg eins hress, en það er bara eðlilegt. Læknirinn sem skar mig hringdi í mig í gærmorgun bara til að heyra hverning ég hefði það, og samkvæmt honum þá er það alveg eðlilegt að finna til og vera bólgin þannig að ég hef ekki miklar áhyggjur af þessu. En það er víst bannað að vera með hringi á fingrunum þegar maður fer í aðgerð og ég gat ekki náð þeim af mér sjálf, þannig að þegar það var búið að svæfa mig voru þeir fjarlægðir og ég er frekar nakin á höndunum og marin:-) En að vísu þá fæ ég marbletti út af engu.

Páskaeggin smökkuðust bara vel, enda ekkert sem er eins gott og íslenskt súkkulaði:-)

Koss og knús frá Maju og liðinu hennar.

Snjómokstur og sorg

2008-03-22T13:54:00.003+01:00

Svona leit bíllinn okkar út í morgun kl 9 þegar við fórum út. Það tók dágóðan tíma að moka hann út, en það hafðist á endanum:-)
Hér er Aron ofursterki að hjálpa mér að moka bílastæðið betur, það var gott að fá smá hjálp frá honum. Þegar við vorum búin að moka þokkalega mikið var brunað niður í sentrum, það átti sko að sækja pakkann frá bestu ömmu í heiminum. En hvað haldið þið, helv..... pósthúsið er lokað í dag og opnar ekki aftur fyrr en á þriðjudag:-( ég varð ekkert smá fúl, en það er ekki mikið við þessu að gera. Þannig að þegar þið hin eruð komin með ógeð á páskaeggjum, þá byrjar veislan hjá okkur. Ég sé að ég þarf að kaupa norsk ómerkileg páskaegg fyrir strákana og svo fá þeir bara íslensk alvöru egg tveimur dögum seinna.

Koss og knús frá Maju sem er fúl, en vonar að hún fái ekki fúlegg:-) á þriðjudaginn

Föstudagurinn langi

2008-03-21T17:05:00.003+01:00

Og hér snjóar ennþá:-) Svona var pallurinn hjá mér í morgun. Eins gott að við vorum ekki búin að setja sumardekkin undir bílinn, við vorum sko að spá í að gera það, enda héldum við að sumarið væri komið:-)
Hér er mynd sem ég tók fyrir 3 dögum, smá breyting.

Ég var að tala við Lúlú áðan, hún er að undirbúa fiskiveislu sem verður í kvöld. Væri sko alveg til í að vera hjá henni núna, það er nefnilega alltaf svo góður matur hjá henni:-)

Annars er bara allt gott að frétta hjá okkur, við hjónin erum bara búin að liggja í leti í dag og horfa á sjónvarpið, Aron er hjá Zilas og Ingólfur er örugglega hjá Stian. Ég ætti eiginlega að koma mér út og moka bílinn út, en ég er bara ekki að nenna því, vakna bara snemma í fyrramálið því ég verð auðvitað að fara á pósthúsið og sækja pakkann:-) Eitthvað eru drengirnir mínir undarlegir, þeir voru nefnilega báðir handvissir um að páskaeggin ætti að borða á skírdag, en auðvitað verða þeir að bíða þangað til á sunnudag:-)

Koss og knús frá Maju sem býr í snjóhúsi (eða næstum því:-))

Langaði bara að sýna ykkur

2008-03-20T19:20:00.004+01:00

hvernig útsýnið af pallinum há mér er núna, þessi mynd er tekin áðan og sýnir sama útsýni og þegar áreksturinn varð hér í fyrradag (sjá mynd í fyrra innleggi). Það bara snjóar og snjóar hjá okkur, en þegar ég vaknaði í morgun var sól og blíða en um kl. eitt byrjaði að snjóa. Mjög svo blautur og þungur snjór, ekta snjókalla snjór:-) Kannski ég fari út á morgun með Aroni og við búum til eins og einn páskasnjókall.

Koss og knús frá Maju

Pakki kominn:-)

2008-03-20T13:03:00.003+01:00

Á þessu heimilinu hafa verið miklar áhyggjur af því undanfarið, hvort besta amman í öllum heiminum sendi börnunum páskaegg, allir krakkarnir hafa veið að masa í okkur um að hringja í ömmu og athuga stöðu mála. En við foreldranir höfum bent þeim á að það sé nú bara dónaskapur að hringja og tékka á þessu. Svo loksins í gær kom þessi kvittun frá pósthúsinu, besta amman sendi okkur pakka, en við getum auðvitað ekki farið fyrr en á laugardaginn að ná í hann, þannig að við vitum ekki hvað leynist í honum, en krakkarnir eru alveg handviss um að það séu páskaegg. En svo mikið veit ég að hún elsku tengdamamma mín sendi mér kaffi:-) Það stendur sko á miðanum. Elsku Lúlú þúsund þakkir fyrir að muna eftir okkur, ég hlakka mikið til að sækja pakkann og skoða innihaldið í honum:-)Ég varð auðvitað að taka mynd af þessari eftirlengtu tilkynningu.
Í fyrradag varð árekstur hér fyrir utan hjá okkur og Maja myndasmiður varð auðvitað að taka mynd af þessu, en ekki hvað:-) Það voru sko græni og rauði bíllinn sem keyrðu á hvern annan, eða réttara sagt bílstjórarnir, en það urðu sem betur fer engin slys á fólki og ekki heldur á bílunum því þeir voru ökufærir eftir þetta.

Ég var í brjáluðu húsmæðra kasti í gær, tók til og gerði fínt og svo til að kóróna kastið mitt bakaði ég pönnukökur (norskar að sjálfsögðu) fyrir strákana og hann Zilas, sem var í heimsókn hjá Aroni. Svo fékk Aron að gista hjá Zilas, Ásgeir keyrði þeim heim til Zilas, hann er nefnilega fluttur alla leið til Samkom, það tekur svona 10 mín að keyra þangað. Svo er hann Zilas að verða bróðir, ekkert smá skemmtilegt, Aron er alveg í skýjunum, hann er sko að verða frændi eða eiginlega bróðir líka, því þeir vinirnir eru sko hálfbræður:-) að eigin sögn, stundum eru þeir ekki alveg OK.

Koss og knús frá Maju og liðinu hennar:-)

Krossgáta

2008-03-17T20:13:00.002+01:00

Ég keypti mér blað í dag, norsk ukeblad, og þessi krossgáta fylgdi með. Ég hef aldrei áður séð svona stóra krossgátu. Ég setti eitt blátt egg við hliðina á krossgátunni bara svona til að þið getið séð hversu ferlega stór hún er:-) Hlakka til að reyna við hana þessa, en á nú ekki von á því að ég geti klárað hana, en alltaf gaman að prófa.
Svo varð ég auðvitað að kaupa mér páskaliljur:-) Annars á ég nú ekki mikið af páskaskrauti, þannig að allt sem er gult er kult:-)

Annars er bara allt gott að frétta hjá okkur hér í Norge, Ásgeir grillaði fyrir okkur í gær, fyrsta grillveislan árið 2008, en það voru nú bara pylsur sem rötuðu á grillið í þetta skiptið, verður sjálfsagt eitthvað flottara þegar líða fer á vorið:-) Var að smsast við hana systur mína í gær, þau eru með gesti frá Íslandi í heimsókn, í gær voru þau stödd í Etosa, sem ég er alveg viss um að er þjóðgarður einhverstaðar í Namibíu og þau voru líka að grilla:-) En það voru sko ekki bara pylsur á grillinu hjá þeim, heldur svínakjöt og lamb líka, flott skal það vera, hefði alveg verið til í að vera með þeim þarna, en ég var bara með þeim í huganum:-)

Koss og knús frá Maju og liðinu hennar

Páskafrí:-)

2008-03-15T08:19:00.003+01:00

Já, ég og strákarninr mínir erum sko komin í laaangt páskafrí og af því tilefni vildi ég sýna ykkur páskaungann sem hann Aron Snær prjónaði (með smá hjálp frá mér) Er hann ekki flottur? Alveg er það merkilegt að hann Aron Snær skuli hafa þolinmæði í að prjóna og hekla, honum finnst það svo gaman, stundum sitjum við mæðginin saman fyrir framan sjónvarpið með handavinnuna okkar og höfum það notalegt:-)
Þetta var útsýnið á pallinum hjá mér klukkan 8 í morgun, alveg yndislegt:-) Vona að veðrið verði svona næstu dagana.

Ég er loksins komin með dagsetningu á aðgerðina, ég fer þann 25 mars, þannig að ég á ekki von á því að mæta aftur í vinnu fyrr en 7 apríl. Ég get ekki beðið, það verður sko gott að losna við þetta drasl.

Ég er búin að vera að vinna eins og geðsjúklingur þessa vikuna, hef tvisvar sinnum þurft að mæta kl 6, þá vorum við með páskamorgunmat fyrir börnin og foreldrana. Svo eru svo margar í vinnunni búnar að vera veikar og við höfum bara einn vikar, þannig að við sem höfum mætt í vinnu þurfum þar af leiðandi að gera ennþá meira en við eigum að gera.

Á mánudag og þriðjudag voru foreldrafundir hjá strákunum, Ingólfurinn minn er að sjálfsögðu fyrirmyndarnemandi sem nennir ekki að leggja of mikið á sig:-) Hann er búinn að sjá það að þegar hann gerir ekkert fær hann 4 á öllum prófum, þannig að ég er að reyna að fá hann til að leggja aðeins meira á sig og þá fær hann kannski 5 eða 6, en við sjáum til hverning það fer. Annars er hann með 5 í ensku, hann fékk 6 í sögu og í öllum hinum fögunum er hann með 4. En þá að honum Aroni mínum, ég get nú ekki sagt að hann sé að brillera í skólanum, en hann reynir þessi elska. Annars höfum við verið að prufa ný lyf hjá honum þetta árið og það hefur ekki gefið góða raun, þannig að allar kannanir sem hann hefur tekið eru eiginlega marklausar. Ég held að ég hafi sagt það hér áður að börn í norskum skólum byrja ekki að taka próf fyrr en í 8 bekk, enda má ekki leggja of mikið á þessar elskur og meira að segja krakkar eins og Aron geta farið í gegnum barna- gagnfræða og menntaskóla án þess að þurfa að taka próf, takk fyrir. Menntakerfið hér er ekki alltaf til fyrirmyndar, en ekki mikið sem ég get gert til að breyta því:-)

Koss og knús frá Maju sem er komin í frí:-)

Grár sunnudagur

2008-03-09T10:27:00.004+01:00

Það er rigning og þoka hjá okkur í dag, ekkert spennandi, en kaffið hjálpar:-) Annars er bara allt við það sama á þessu heimilinu, ég og Aron Snær vorum farin að sofa um kl 1o í gærkvöldi og vöknuðum þar af leiðandi mjög hress snemma í morgun. Hann er búinn að vera að horfa á barnaefnið og Skippy. En hann er að býða eftir að komast í tölvuna til að spila Habbo, ég veit ekki alveg hvað það er en hann virðist vera snillingur í því spili. Ég er alltaf að minna hann á að það er stranglega bannað að gefa upp nafn, aldur og heimilisfang á netinu. Enda veit maður aldrei hvaða pervertar eru á svona barna síðum.

Koss og knús frá Maju og Aroni óþolinmóða

Frábær laugardagur:-)

2008-03-08T20:30:00.002+01:00

Við fórum í bæinn í dag og ég keypti gul kerti og þetta flotta blóm (en spurningin er hversu lengi ég held lífi í því) það eru nefnilega að koma páskar og ég er búin að finna það út að ég á ekkert páskaskraut, því miður. En á hinn bóginn þá eru páskar í mínum huga eignilega bara langt frí:-) Ásgeir bakaði svo ekta franska súkkulaði köku fyrir okkur, geggjuð kaka. Svo eldaði ég kvöldmatinn, heimatilbúin pizza og brauðstangir (með smá hjálp frá peppes pizza, ég keypti sko svona pizzablöndu frá þeim, þurfti bara að setja vatn útí og svo bara vola komið þetta flotta pizzadeig:-)) Þetta er hann Aron minn að setja myndir í ramma, hann ætlar svo að hengja rammana upp í herberginu sínu.
Og hér er hann Ingólfur minn, eitthvað slappur, en hann getur nú samt lesið sænska brandara, við eigum sko eina bók um það hversu vitlausir Svíar eru í augum Norðmanna og svo eigum við aðra bók um það hversu vitlausir Norðmenn eru í augum Svía (fengum þá bók í jólagjöf eitt árið frá Dodda og Piu)

Koss og knús frá Maju sem er búin að borða yfir sig í dag:-) eins gott að ég má alveg við því